Eers was dit die Lekkerste hoenderresep wat in 1992 in Huisgenoot se toetskombuis geland het wat minstens een keer per week op ons tafel tuis verskyn het, toe was my huismense weer versot op mosterdhoender, maar nes ons deesdae gek is na enige Oosterse smake, geniet ons hoender met Marrokaanse speseryegeure net so baie.
Category Archives: Resepte
Geurige Groentebrood
Ek is so bly daar is nou ‘n spesiale bewustheid om die eet van groente aan te wakker, want deesdae word dit beslis nie net meer opgekook en as bykos voorgesit nie. Ek geniet dit om met groente te eksperimenteer, die pragtige kleure en bros teksture leen dit darem net te veel tot smaaklike geregte, want die geure werk tog te lekker saam.
Isabella’s Pork Feast
Ek en Isabella Niehaus deel wel dieselfde van, maar is nie familie nie. Maar ons is “close”, soos sy altyd sê: ons “connect” hier by die heup. Isabella is ook ‘n uitstekende kosmaker wat uit haar hart uit kook en nie skroom om nuwe kombinasies uit te probeer nie – ek kon al soveel by haar leer.
Airfry your veggies
It is no secret that I am mad about salads – the combination of crispy green leaves, a variety of multicolour fresh veggies and creamy cheese with a dressing that is beautifully complimenting it, just appeals to me. During the week I normally stick to fresh veggies that need no cooking. Salads made with roasted veggies e.g., butternut, sweet potatoes, onions, or beetroot was weekend food. No more. With the Instant Pot Vortex Airfryer these veggies are roasted to perfection within half an hour – giving me just enough time to prep the rest of the veggies and the salad dressing.
Minmoeite Bruintjies
Bruintjies is gemaak om dekadent te wees. Ek verkies egter hierdie resep wat steeds met egte sjokolade, donker sjokolade, gemaak word, minder ryk, maar steeds heerlik klam is. Ek’s veral versot op die lae koolhidraat-variasie.
Smul aan soesji
Soesji bly ook ‘n groot gunsteling, veral met al die bestanddele wat deesdae so gemaklik in ons supermarkte beskikbaar is. Maar nes skilferkors gee ek myself glad nie uit as ‘n sjoesji-maker nie. Daarom vind ek hierdie soesji-brood is ‘n lekker maklike uitweg.
Eer jou erfenis met melktert
Melktert soos van ouds is altyd omring met ‘n vlokkerige skilferkors en is baie keer in ‘n emaljebord gebak. Ek gee myself geensins uit as ‘n skilferkorsmaker nie en het myself eerder gewend tot ‘n broskorstipe deeg. Ek’t verskeie melktertresepte en ek het hulle noukeurig vergelyk.
Heerlike Hoenderschnitzels
Na ‘n hele paar eksperimente in die Instant Vortex Airfryer het ek nou die kuns vervolmaak om die perfekte schnitzel binne ‘n ommesientjie te maak. Die geheim is om die filette eers goed te verkoel voordat jy dit gaarmaak sodat die krummels goed kan vaskleef.
‘n Nuwe manier van kook
Ek het julle seker nou lank genoeg aan ‘n lyntjie gehou oor waarmee ek doenig is in die kombuis. En hier is dit nou – die CARMEN NIEHAUS COOKING TEA COLLECTION. Twee bokse met my noukeurig uitgesoekte teeseleksie uit die Carmien-teereeks waarmee ek heeldag en aldag lank in die kombuis kook. Ek noem dit my “spice cupboard in a tea bag”!
Lekker Bros Sonder Olie
was nog nooit een vir enige diepvetgebraaide kosse nie, want ek kon net nie my gewete verby die feit kry dat die kos alles in olie gaargemaak word nie. Ja, die brosserigheid is heerlik, maar die skuldgevoel het die lekkerte oorheers. So vir jare lank het ek enige diesulke geregte bloot net vermy. Maar nou het daar vir my GROOOT uitkoms gekom – ‘n Instant Vortex air fryer, ‘n lekker grootte met ‘n 5.7 liter volume.
Geniet Grenache
‘n Happie en wyn wat veral heelwat kommentaar uitgelok het was die Bolandse lekkerny, waterblommetjies, wat saam met die Grenache Rosé, wat lekker droog is met vars aarbei- en bessiegeure en roosondertone, voorgesit is.
Romerige Kerriehoender met Groen Rys
Ons eet gereeld kerrie in die huis – meestal geskoei op die matige aromatiese kerries soos ek by die kosfoendi, Cass Abrahams nog geleer het. By haar het ek ook geleer wat die waarde is om met jogurt te kook – amper om romerigheid by kos te voeg sonder om ‘n gereg ryk te maak.
Veelsydige Biscotti
Ek het nou al vertel van die eindelose teedrinkkuiers wat ons gereeld saam met my ma op die noordestoep van haar huis meemaak. Spesiaal vir ons stoepkuiers, bak ek hierdie biscotti – die resep is lekker veelsydig en jy kan verskeie soorte van sjokolade- amandel – tot gemmerbiscotti maak.
Smullekker kaaskoek vir raakvatter vroue
Ausgustus is vrouemaand en vir al die raakvattervroue in ons land wil ek almal graag bederf met my groot gunsteling: kaaskoek, gebakte kaaskoek. Ek het verskeie gunstelingresepte, maar die een wat ek aan die Weskus geproe het, bly nog my gunsteling.
Opgepofde Omelet
Pofferige omelet gemaak met 3 eierwitte met ‘n eiergeel deurgemarmer, was my gunsteling. Op Langebaan sit ons dit baie keer as ‘n groot tafelomelet voor wanneer ons laatoggend op die stoep kuier. Dan gebruik ek sommer eierbokse as plekmatjies as ons die tafel mooi wil dek.
Smullekker Groentebakkies
Knus langs my kombuisdeur het daar onlangs ‘n soetrissie-plantjie opgeslaan. Ek het nie gedink dit sou die Weskuswind oorleef nie, maar tog, toe ek my weer kom kry, hang dit vol blinkskil soetrissies. Party het ek groen geoes, ander langer laat hang tot hulle mooi rooi geskyn het. En dan maak dit die lekkerste bakkies waarin jy vir elkeen sy eie etetjie kan berei.
Woensdag Wenke: Hoeveel rooivleis eet jy?
Liezel Engelbrecht, geregistreerde dieetkundige, gesels hierdie week oor rooivleisinname en ander proteïenbronne. Hoewel rooivleis ‘n goeie bron van proteïen is en ook ander voedingstowwe soos yster, vitamien B12 en sink bevat, beveel die Wêreldkankernavorsingsfonds aan dat ons nie meer as 500 g rooivleis per week eet nie, wat verwerkte vleis insluit.
Sjokoladerol
Ek is altyd daarop uit om te kyk hoe ek resepte gesonder maar steeds lekker kan maak – maw om meeste sleg uit ‘n gereg te haal sonder om die lekker op te offer. Hierdie sjokoladerol is eintlik te goed om waar te wees – dis koringvry, suikervry en bykans vetvry, maar smaak hemels, ‘n tipiese lekkergoed-resep (maw dis lekker, maar ook goed vir jou).
Brejani
Ek hou van geregte wat lekker, maar nie te sterk, gegeur is. Veral die kosse uit die Maleise kookkultuur is my kos, want daar word met soveel respek met die speserye en kruie omgegaan. ‘n Stappie deur die Bo-Kaap met sy kleurvolle huisies is altyd ‘n wonderlike ervaring en ‘n besoek aan die speserywinkel ‘n hoogtepunt, waar ek my kan verloor in al die wonderlike smake, geure en kleure van die speserye. Gelukkig was ek in my jare as kosredakteur by Huisgenoot geseënd met kosassistente wat goed bekend was met die Maleise kookkultuur en ons is eerstehands touwys gemaak, tot in roti’s rol en en dhaltjies maak.
Geurprofiel
Kook in ‘n geurbaan: MIDDE-OOSTERS EN AFRIKA-GEURPROFIEL
Carmen Niehaus 