My kosvriend en mentor, Peter Veldsman, wat vir jare ‘n kantoor en toetskombuis langs my gehad het op die 22e vloer van die Media24-gebou in Kaapstad, het altyd gepraat van doodgooi frikadelle wanneer die frikadelle so droog en “hard” uitgekom het.
Tag Archives: recipe
Ribbetjie
Ribbetjie, stadig oor die kole gerooster saam met varsgebakte brood en ‘n vars slaai spel vir my ontspan en uitspan uit. Dan skink jy vir jou ‘n glasie Six Hats Shiraz daarby en geniet die oomblik.
Oesbrood
In die Mediterreense lande word hierdie brood met oestyd gebak. Die vars druiwekorrels bo-op, vertel die storie van die nuwe druiweoes wat ingesamel moet word.
Rosyntjies in rooiwyn gekook saam met bietjie suiker, kan ook in die middel van die brood gepak word voor dit gebak word. Dan verteenwoordig die rosyntjies die vorige jaar se oes.
Die speserygeure van die Six Hats Shiraz werk goed saam met die soetigheid wat die druiwe verleen aan die brood. Smullekker by die rib, maar net so lekker saam met vis of op sy eie saam met die olyf-maaskaassmeer.
Sjokolade Terrien
Sjokolade bly ‘n treffer as jy jou geliefde wil bederf en hierdie een gaan beslis al die boksies tiek as jy wil indruk maak. Veral as jy tot die laaste nippertjie uitgestel het, want die terrien is verspot maklik om te maak en binne minute klaar. Daarby kan dit op vererlei maniere voorgesit word: saam met die bessie-roomys (daarvoor sal jy bietjie vooraf moet beplan) of klein koppietjies koffie om ‘n spesiale ete mee af te sluit of my gunsteling manier van doen — geniet dit saam met tee vir ‘n eenvoudige dog indrukwekkende intieme samesyn.
Nektarien Slaai
Die slaai is nie net lekker by ‘n braai nie, maar op sy eie is dit ‘n heerlike ligte ete. Maak dan ‘n pak eiernoedels gaar en roer dit by die slaai in om meer substansie te gee.
Spog Pavlova
Ek’t nog nooit geskrik vir meringue klits of pavlova maak nie. Ek’t dit darem net te veel moes maak onder die wakende oog van my ma. Die grootste geheim is om die suiker net bietjie-bietjie by te voeg sodat dit fluweelglad in die meringue ingeklits is, anders gaan die meringue nat trek en trane huil soos my ma altyd gesê het.
Franse Hoender
Aanvanklik het ek nie gedink die kombinasie van pruimedante en olywe gaan werk nie. Maar toe ek dit eers proe, kon ek nie ophou eet nie. Nou is dit een van my groot staatmakers in my huis. Veral lekker om aan gaste voor te sit en ideaal vri feesdae pleks van die hoenderpastei, want jy kan dit in die oond druk en absoluut daarvan vergeet!
Rice Pilaf
My take on a well-known breakfast dish, kedgeree, and ideal to serve at a laidback brunch. Leftover fish (from the previous night’s braai) is ideal to work into this simple yet tasty and versatile dish. The masala spice mix of the tea adds a wonderful flavour to the dish.
Flamkuchen
Hierdie is een van my absolute staatmakerresepte. My maklike weergawe van flamkuchen met die mees basiese bestanddele denkbaar: meel, olyfolie en yswater! En jy maak dit sommer in die voedselverwerker aan. Tjop-tjop en dis klaar. Dis ideaal om vir ‘n peuselbord voor te sit. Bak platbrode en pak uit saam met rotisserie-hoender, blaarslaai, rou groentes, kase, piekels en smere. Ook lekker om te gebruik as ‘n vinnige basis vir pizza.
Oukersaand Paella
Ek weet eintlik nie hoe dit gebeur het nie, maar op Oukersaand was daar altyd paella op die spyskaart in ons huis op my opgroeiplaas, Bergendal, op die berg by Citrusdal.
Speserykoekies
Baie naeltjies (of kruienaeltjies) in kos val nie in almal se smaak nie. As jy al op ’n heel naeltjie in ’n happie hoenderpastei gebyt het, sal jy weet! Maar as naeltjies met sorg in kos of gebak gebruik word, gee dit die heerlikste geur. Soos in hierdie resep, my ouma Minnie se speserykoekies.
Woensdag Wenke: Chuck
Beesvleis is van die moeilikste vleise om ordentlik gaar te maak en mens moet weet met watter vleissnit jy werk om die regte gaarmaakmetode toe te pas. Die karkas word in ‘n voor- en agterkwart verdeel en elk het verskillende gaarmaakmetodes.
Gemmer Varkboud
Op ons Kerstafel is varkboud ‘n jaarlikse instelling in ons huis. En al lees ek wyd en het verskeie resepte vir varkboud en gammon, is dit op hierdie varkboud wat in gemmerlim gaargebak word, waarop ek telkens terugval.
30 Dae Muffins
Almal ken die immerbekende 30-dae-muffin resep waarvan jy die mengsel aanmaak en in die yskas hou en dan net daarvan bak soos jy nodig kry. Die aanvanklike resep het gewemel van die suiker en die olie. Ek het oor jare rondgespeel met die resep, die suiker en olie verminder en ook bietjie hawermout ingewerk by die mengsel.
Sjokoladerol Sonder Sonde
Ek is altyd daarop uit om te kyk hoe ek resepte gesonder maar steeds lekker kan maak – maw om meeste sleg uit ‘n gereg te haal sonder om die lekker op te offer. Hierdie sjokoladerol is eintlik te goed om waar te wees – dis koringvry, suikervry en bykans vetvry, maar smaak hemels, ‘nContinue reading “Sjokoladerol Sonder Sonde”
Carmen Niehaus 