Cass het my ook geleer – gebruik kerriemengsels wat reeds klaar gerooster is, soos geroosterde masala. En ook, jy roerbraai slegs die heel speserye om die geur uit te bring, nie fyn mengsels nie – dit brand gou aan en laat die kerrie bitter smaak, daarom sprinkel jy dit saam met die nat bestanddele oor.
Tag Archives: carmen niehaus
Botterskorsiesop
Soos julle nou reeds weet, is ek gek na sop wat ek as voorgereg, ligte ete of as hoofgereg geniet. Toe botterskorsiesop in die vroeë tagtigs die land soos ‘n tzoenami getref het, het ek letterlik potte vol van hierdie heerlike fluweelgladde sop gekook.
Bobaas Bredie
‘n Bredie wat lank en stadig prut tot dit ‘n geurige sousie vorm is my gunseling kos. Dan pik ek die beentjies uit die pot en geniet dit om die saggekookte vleisies daarvan af te eet. Dit laat my terugdink aan Sondagmiddae se saggebakte skaapboud op die plaas waar die saggekookte skenkelvleisies altyd gereserveer was vir my en my tweelingsuster.
Rooitamatiesop
Die lekkerte van sop is mos juis dat dit so divers is – net ietsie ligs vir daardie hol kol of met genoeg om die lyf om in te staan vir ‘n volledige ete.
Botterkoekbrood
Die lewe kom nie met ‘n handleiding nie, maar met ‘n ma. Onbewustelik leer ons ontsaglik baie by ons ma’s, meestal ongesiens en sonder groot omhaal van woorde. Dit lê in haar doen en omgee en vir ‘n “no go” weet jy net uit die kyk en rol van haar oë.
Rooifluweel Kolwyntjies
Toe ons kinders was, is daar Sondagmiddae groot gekuier en dan het die sytafel gekreun onder haar lekker gebak. Altyd ‘n sjokoladekoek of warmmelkkoek soos haar ma, Ouma Carmen, haar leer maak het. Nou is dit my beurt om haar te bederf en ek bak vir haar rooifluweel-kolwyntjies, sommer ook met ‘n skoot tee in, Carmien se rooibos natuurlik en ons skink nog ‘n koppie en geniet die spesiale samesyn.
Thaise Roerbraaigroente
Sojasous is ook een van my gunstelinge. Kikkoman sou die aangewese soort wees, maar oe, dis maar aan die duur kant. Gelukkig het ek Japanese soesji-sojasous ontdek op Checkers se rakke en dit werk goed. Nie net is dit heerlik oor ‘n klewerige bakkie jasmynrys saam met bietjie sesamsaad nie, saam met bietjie lemmetjiesap, koljanderblare en brandrissie gee dit heerlik geur aan groente. Vir hierdie roerbraaigroente gebruik ek graag groente wat dieselfde tyd neem om gaar te word – blomkool en/of kopkool, broccoli, soetrissie, murgpampoentjies en sampioene werk goed saam. Ek hou ook van bietjie mielies daarby.
Snoekpastei
Toe Hanna Spies vra vir ‘n snoekpastei het ek dadelik hierdie voorslag vistert onthou wat al so baie maal moes diens doen op my tuistafel. Jy kan die tert met snoek, engelvis of skelvis maak. Wat dit lekker anders maak is dat ek ‘n paar swart olywe by die vulsel inwerk as ek met snoek of engelvis werk. Skelvis kry die meer tradisionele gekookte eiers in. Die broskorsdeeg vir hierdie tert maak ek sommer in die voedselverwerker aan.
Gebakte Pampoen
Dis veral Midde-Oosterse en Afrikageure waarby so ‘n bonkige pampoen aanklank vind – dink kaneel en komyn; ment en koljanderblare. En nadat ek dieetkundige, Liezel Engelbrecht, (Liezel the Dietitian) se goeie raad oor koring gelees het, vul ek dit kwistig met graan uit die Afrika-bodem: koeskoes, bulgur, stampkoring of selfs sorghum. Só vorm dit lag-lag die centrepiece van jou tafel.
Woensdag Wenke : Skei Die Kaf Van Die Koring
Liezel Engelbrecht van Liezel the Dietitian antwoord:
Eerstens, dit is jammer dat ons dikwels kos in “goeie” en “slegte” boksies wil sit (en dis nie die leser se skuld nie – dis maar waarmee ons baie gebombardeer word!).
Tuisgemaakte Teebrood
Die dadels en rooibostee maak hierdie teebrood lekker swaar en klam, nes ek van ‘n koekbrood hou. Carmien Tea se Citrus Chai-rooibostee verleen ‘n ekstra speserygeur met ‘n tikkie sitrus, maar ek gebruik ook net so graag die Carmien Natural rooibos om hierdie teebrood mee te maak. Die maaskaasversiersel is heerlik hierby en ek was ook gelukkig om koekheuning in die hande te kry om daarby voor te sit.
Woensdag Wenke : Aspersies
Kathleen, die onderste gedeelte van die aspersies se stingel is baie keer hard, want laer na onder toe begin die stingel al hoe meer veselrig raak. Jy sal sien dat die stingel litte het. Ek breek gewoonlik die onderste gedeelte by die eerste lit af, dit breek maklik by die lit. Dan sit jy nie met daardie laaste harde gedeelte nie. Nog ‘n wenk is om die aspersies in ‘n bossie gebind te hou en dan die harde stingel net onder die rekkie af te sny.
Mediterean Chicken
Internasionale kosgiere was orals en veral kosjoernaliste was behep met alles wat vreemd en van oor die water was. Ekself het die spulletjie aanvanklik so van ‘n afstand bejeën, net om eers sin te probeer maak uit alles wat ons amper so oornag toegeval het. Uiteindelik het dinge vir my in plek geval – GEURPROFIELE!
Seekospot
Vir meeste mense is ‘n seekospot sinoniem met luilekker somervakansies en uitspan by die see. Tog het ek hierdie heerlike seekospotjie die eerste keer geniet tydens ons jaarlikse winterkuier aan my hartsplek, ons pragtige buurland, Namibië. Weliswaar was dit wel by die see op die prentjiemooi Swakopmund.
Aarbei-Vinaigrette
Almal wat my ken, weet dat ek ‘n slaailiefhebber van uiterste proporsies is, soveel so dat my assistente in die toetskombuis altyd gespot het dat my kookboeke maklik meer slaairesepte as vleisresepte kon bevat. Hulle was nie ver van die waarheid nie, want ek is permanent op die uitkyk oor hoe ek ‘n slaai kan opkikker sodat dit nie na afskeepkos lyk nie, maar een van daardie geregte is waarvan mense graag ‘n tweede skeppie sal vra. En ja, die slaaibak op my tuistafel is altyd dolleeg, al was dit partykeer net ‘n paar slaaiblare en komkommer. (Buiten my pa, hy kon ek nie eintlik oorreed kry om te veel slaaigoed te eet nie, en tamatie het hy verpes om die minste daarvan te sê).
Woensdag Wenke : Koeksisters Bak
Die goue reël vir koeksisters bak is dat die olie goed warm en die stroop yskoud moet wees. Sorg ook dat die gevoude koeksisters onder ‘n klam doek lê terwyl hulle wag om gebak te word. Dit verhoed dat die deeg uitdroog.
Woensdag Wenke : Frikadelle
My kosvriend en mentor, Peter Veldsman, wat vir jare ‘n kantoor en toetskombuis langs my gehad het op die 22e vloer van die Media24-gebou in Kaapstad, het altyd gepraat van doodgooi frikadelle wanneer die frikadelle so droog en “hard” uitgekom het.
Ribbetjie
Ribbetjie, stadig oor die kole gerooster saam met varsgebakte brood en ‘n vars slaai spel vir my ontspan en uitspan uit. Dan skink jy vir jou ‘n glasie Six Hats Shiraz daarby en geniet die oomblik.
Woensdag Wenke : Steak
Ek het leer steak gaarmaak in die middel van die Kalahari – op Upington, die grootwordplek van vele van ons land se kosfoendi’s. Ek is versot op die Kalahari en laat nie ‘n kans verbygaan om daar ‘n draai te gooi nie. Vandag se koswenk wil ek spesiaal opdra aan my kosbare kosvriend, Neil Stemmet, wat ook onlangs die stryd teen Covid 19 verloor het.
Oesbrood
In die Mediterreense lande word hierdie brood met oestyd gebak. Die vars druiwekorrels bo-op, vertel die storie van die nuwe druiweoes wat ingesamel moet word.
Rosyntjies in rooiwyn gekook saam met bietjie suiker, kan ook in die middel van die brood gepak word voor dit gebak word. Dan verteenwoordig die rosyntjies die vorige jaar se oes.
Die speserygeure van die Six Hats Shiraz werk goed saam met die soetigheid wat die druiwe verleen aan die brood. Smullekker by die rib, maar net so lekker saam met vis of op sy eie saam met die olyf-maaskaassmeer.
Carmen Niehaus 