BRUINRYS-EN-QUINOA-SLAAI MET SONGEDROOGDE TAMATIES EN BLOUBESSIES

Quinoa saam met bruinrys is ‘n volledige proteien. Songedroogde tamaties en bloubessies is heerlik saam.
Genoeg vir 4-6 mense
Bereiding: 15 min.
Gaarmaak: 40 min.

SLAAI

• 250 ml (1 k) bruinrys, gekook in Carmien Orange Camomile (2 sakkies)
• 125 ml (½ k) quinoa, goed afgespoel en gekook in Orange Camomile (2 sakkies)
• sout
• 1 sak (240 g) songedroogde tamaties in vinaigrette, opgekap (voeg ekstra Orange Camomile- tee by die vinaigrette om slaaisousie te maak)
• 1 blik (400 g) kekerertjies, gedreineer
• 1 mini komkommer, gehalveer en ontpit en in klein blokkies gesny
• 125 g bloubessies
• 1 rooi-ui, geskil en in klein blokkies gesny
• Handvol boontjiespuite
• hand vol roketblare

1. Kook die rys en quinoa in aparte kastrolle met soutwater tot net sag, onderskeidelik sowat 40 en 15 min. Dreineer, spoel af en meng.
2. Roer die die fyngekapte tamaties asook die vinaigrette deur die rysmengsel. Laat afkoel.
3. Voeg die kekerertjies, komkommer, bloubessies, en ui by en meng liggies.
4. Skep in ’n opdienbord en sprinkel die boontjiespruite en roket oor.

Hawermout-saadbrood

Die lekkerste, maklikste meellose saadbrood wat ek nog geproe het. Hawermout kan ook op ‘n matige wyse in ‘n min koolhidraat-eetplan ingesluit kan word.
Maak 1 medium brood
Bereiding: 15 min
Baktyd: 40—50 minute

• 625 ml (21/2 k) hawermout
• 250 ml (1 k) gemengde sade, insluitend sonneblom-, pampoen-, sesam- en lynsaad
• 60 ml (1/4 k) psylliumvesels
• 12,5 ml (21/2 t) bakpoeier
• 5 ml (1 t) sout
• 4 eiers
• 45 ml (3 e) klapperolie, gesmelt
• 250 ml (1 k) groen rooibostee
• 15 ml ( 1 e) appelasyn
• gemengde sade of sesamsade vir bo-op sprinkel

VOORSIT

• Avokado

Voorverhit die oond tot 180°C. Spuit ‘n klein broodpannetjie en voer die bodem uit met bakpapier. Spuit weer.

1. Meng die droë bestanddele goed saam.
2. Klits eiers, voeg klapperolie, water en appelasyn by en klits goed.
3. Voeg by die droë bestanddele en meng goed. Laat staan 10 min tot stewig.
4. Skep in pannetjie, druk effe plat.
5. Bak sowat 40–50 minute of tot ‘n toetspen skoon uitkom. Sit voor met fyngedrukte avokado.

In lugbraaier: Stel die lugbraaier op bak en verhit tot 180°C. Bak 30 minute lank, bedek die brood na 15 minute met tinfoelie om te keer dat dit te donker bak bo-op.

ROOIBOS-SJOKOLADEKOEK

Maak een groot koek,
Bereiding: 20 min
Baktyd: sowat 40 min

KOEK

• 500 ml (2 k) koekmeel
• 125 ml (½ k) kakao
• 10 ml (2 t) koeksoda
• Knippie sout
• 250 ml (1 k) hawermout
• 250 ml (1 k) suiker
• 160 ml (⅔ k) canola-olie
• 30 ml (2 e) appelasyn
• 500 ml (2 c) Very Berry of Turkish Delight of Menopause CarmienTea-rooibostee, gemaak met 4 sakkies

AFRONDING

• 250 ml (1 k) geroomde maaskaas
• Bietjie versiersuiker
• 250 g vars aarbeie (laat lêin bietjie strooisuiker om stropie te trek) en blommetjies

Voorverhit die oond tot 180°C (of stel bak by AirFryer, ook 180°C)

1. KOEK Meng die koekmeel, kakao, koeksoda, en sout saam, voeg die hawermout en suiker by en meng goed.
2. Giet die olie, asyn en rooibostee in ‘n groot beker en klits goed.
3. Voeg die teemengsel by die droë bestanddele en meng goed.
4. Spuit ‘n silikoon-bundtpan goed met kossproei. Giet die beslag daarin en bak sowat 40—45 min lank of tot ‘n toetspen skoon uit die middel van die koek kom.
5. Bedek die koek halfpad deur die baktyd met ‘n vel tinfoelie om te keer dat die bokant nie te donker bak nie.
6. Laat afkoel in die pan en verkoel tot stewig.
7. Plaas die koek op ‘n koekstaander.
8. AFRONDING Meng die maaskaas en versiersuiker en skep op die koek
9. Rond af met aarbeie en blommetjies 

BRUINRYS-EN-QUINOA-SLAAI MET SONGEDROOGDE TAMATIES EN BLOUBESSIES

Quinoa saam met bruinrys is ‘n volledige proteien. Songedroogde tamaties en bloubessies is heerlik saam.
Genoeg vir 4-6 mense
Bereiding: 15 min.
Gaarmaak: 40 min.

SLAAI

• 250 ml (1 k) bruinrys, gekook in Carmien Orange Camomile (2 sakkies)
• 125 ml (½ k) quinoa, goed afgespoel en gekook in Orange Camomile (2 sakkies)
• sout
• 1 sak (240 g) songedroogde tamaties in vinaigrette, opgekap (voeg ekstra Orange Camomile- tee by die vinaigrette om slaaisousie te maak)
• 1 blik (400 g) kekerertjies, gedreineer
• 1 mini komkommer, gehalveer en ontpit en in klein blokkies gesny
• 125 g bloubessies
• 1 rooi-ui, geskil en in klein blokkies gesny
• Handvol boontjiespuite
• hand vol roketblare

1. Kook die rys en quinoa in aparte kastrolle met soutwater tot net sag, onderskeidelik sowat 40 en 15 min. Dreineer, spoel af en meng.
2. Roer die die fyngekapte tamaties asook die vinaigrette deur die rysmengsel. Laat afkoel.
3. Voeg die kekerertjies, komkommer, bloubessies, en ui by en meng liggies.
4. Skep in ’n opdienbord en sprinkel die boontjiespruite en roket oor.

Maaskaasbrownie

• 180 ml (3/4 k) hawermout
• 10 ml (2 t) bakpoeier
• 60 ml (1/4 k) kakao
• 230 g gladde laevet maaskaas
• 250 ml (1 k) natuurlike jogurt
• 2 eiers
• 125 ml heuning of suiker
• Knippie sout en kitskoffie indien verkies
• 50 g okkerneute, grof gekap

1. Plaas die hawermout, bakpoeier en kakao in die NutriBullet of voedselverwerker en verwerk tot glad. Voeg res van die bestanddele buiten die okkerneute by en verwerk tot goed gemeng.
2. Giet in ‘n vierkantige uitgevoerde pannetjie en bak by 180° C in die AirFryer tot net gaar en nog effe klam in die middel, sowat 20 min.
3. Laat effe afkoel en sny in blokkies. Stuif met kakao.

MINMOEITE HOENDERNACHO’S EN SHWARMA

GENOEG VIR 2 MENSE
Bereiding: 10 min.
Gaarmaak: 20 min.

MARINADE  (x2)

• 15 ml (1 e) fyn gekapte vars knoffel
• 7,5 ml (11/2 t) uiepoeier
• 5 ml (1 t) elk paprika, fyn komyn en koljander
• 2,5 ml (1/2 t) rooipeper
• sout en pepper na smaak
• sap van een vars lemmetjie, sowat 15 ml (1 e)
• 75-100 ml olyfolie
• Helfte van ‘n klaargaar hoender, gepluis (of 4-6 hoenderfilette, in dun repies gesny) 

BYMEKAARSIT

• 1 ui, in repe gesny
• 1 geel of rooi soetrissie, in repe gesny
• ’n bietjie olyfolie
• 1 x 250 g-pakkie oraganiese nacho-mielieskyfies (Santa Anna)
• 1 x 400 g-blik Mexikaanse styl-tamaties
• 250 ml (1 k) grof gekapte koljanderblare en -stingels
• paar stukkies ingelegde jalapeño’s na smaak, gesny
• 160 ml (⅔ k) gerasperde mozzarella-kaas
• 250 ml (⅔ k) gerasperde wit cheddarkaas
• ½ rooi-ui, dun gesny
• ’n hand vol gekapte pietersielie

VIR VOORSIT

• koljanderblare vir garnering
• fyngedrukte avokado
• romerige natuurlike jogurt

1. MARINADE Meng al die bestanddele vir die marinade. Plaas die hoendestukkies vir 10 min. daarin.
2. BYMEKAARSIT Braai die ui en geel soetrissie in olyfolie tot die ui deurskynend is. Voeg die hoenderstukkies saam met die marinade en braai tot geurig (deel in twee een helfte vir die pita).
3. Plaas ’n laag nachoskyfies op ’n oondvaste eetbord. Gooi van die tamaties oor die skyfies en strooi gekapte koljander bo-oor. Voeg jalapeño’s by na smaak.
4. Plaas die hoenderborsierepies egalig oor die nacho’s.
5. Meng die kase en strooi bo-oor. Sprinkel die rooi-ui en pietersielie bo-oor.
6. Plaas onder die roosterelement en rooster tot die kaas gesmelt het en begin borrel.
7. Sprinkel koljanderblare oor.
8. VOORSIT Rond af met avokado en romerige jogurt bo-oor geskep.

SHAWARMA

Genoeg vir 2

SAMESTELLING

• 2 pita’s
• 1 blik kekerertjies, gedreineer
• avokado, gegeur met sout en peper en bietjie suurlemoensap en skeppie tahini
• 1 Iceberg-slaaikop, in dun repies gesny of gekap
• 1 tamatie, in skyfies gesny
• 1/2 rooi ui, in skyfies gesny of boont
• Helfte van die gebraaide hoenderstukkies

JOGURTSOUS

• 60 ml (1/4 k) natuurlike jogurt
• 45 ml (3 e) klein komkommerblokkies
• handvol elk gekapte koljander en kruisementblare
• 1 brandrissie, ontpit en fyn gekap

Voorverhit die Airfryer tot 200°C.

1. SAMESTELLING Pof die pita’s in die Airfryer. Sny die pita’s deur. Plaas die avo saam met die kekerertjies in die NutriBullet en maak goed fyn, voeg sout, peper en suurlemoenap en skeppie tahini by.
2. Smeer ‘n laag avokado-hoemoes op die onderste broodjie. Pak gekapte slaaiblare, hoender, skyfie tamatie en uie bo-op. en rond af met ‘n goeie skep joghurtsous.

HOENDERROERBRAAI MET SAADKONFETTI

Genoeg vir 6—8 mense
Bereiding: 20 min
Gaarmaak: 15 min

ROERBRAAISOUS 

• 4 knoffelhuisies, fyngerasper
• 5 cm stuk gemmerwortel, fyngerasper
• 125 ml (½ k) sojasous
• 60 ml (¼) vars lemmetjiesap
• 15 ml (1 e) soesji-asyn
• 30—45  ml (2–3 e) heuning of suiker of versoeter
• 45 ml (3 e) sesamsade
• Klein handvol gekapte koljanderblare

ROERBRAAI

• Olie
• Halwe hoender, ontvel en ontbeen en in klein stukkies gesny
• 4 wortels, skoongeskraap en in dun repies gesny
• 2–3 klein soetrissies, in dun repies gesny
• Halwe kop blomkool of broccoli, in blommetjies gebreek
• Kwart kop kopkool, in dun repies gesny
• 2—3 stingeluie, gekap
• Groot handvol koljanderblare, gekap
• Jasmynrys, gekook in Carmien se Turkish Delight (4 sakkies)
• Saadkonfetti (sien resep)
• Ekstra koljanderblare vir afronding

1. ROERBRAAISOUS Plaas al die bestanddele in ‘n kastrolletjie en kook saam.
2. ROERBRAAI Verhit bietjie olie in ‘n braaipan en braai die hoenderstukkies tot effe bros, voeg van die roerbraaisous by.
3. Voeg die wortels by en roerbraai tot effe sag, maar nog baie bros, voeg die soetrissies, blomkool of broccoli by en roerbraai tot effe sag, maar nog baie bros. Voeg nog van die roerbraaisous by.
4. Roer die koolrepies by en braai net effe tot verwelk.
5. Roer die stingeluie en koljanderblare by.
6. Skep die rys op ‘n groot bord en stapel die hoender bo-op. Sprinkel saadkonfetti oor asook nog koljanderblare.

SAADKONFETTI

My weergawe van ’n bekostigbare dukkah, gemaak met grondbone. Sit bakkies daarvan uit saam met olyfolie by varsgebakte brood. Mosbolletjies is selfs heerlik om hierin te doop en te geniet as peuselhappie.
Lewer 375 ml (1½ k)
Bereiding: 10 min.

• 80 ml (⅓ k) sesamsaad
• 20 ml (4 t) komynsaad of 10 ml (2 t) fyn komyn
• 250 ml (1 k) geroosterde grondbone
• 5 ml (1 t) fyn koljander
• 5 ml (1 t) paprika
• 5 ml (1 t) geelsuiker (opsioneel)
• 2,5 ml (½ t) sumac (opsioneel)
• 10 ml (2 t) soutvlokkies

1. Plaas die sesamsaad en komynsaad in ’n droë pan en panrooster tot dit liggies verbruin en die komynsaad geurig is.
2. Voeg die res van die bestanddele by en meng goed. Stamp effe fyner met ’n stamper in ’n vysel indien verkies.
3. Verpak in ’n lugdigte houer.
4. Sprinkel oor slaaie of groente of sit voor saam met brood en olyfolie.

ONTBYTTRIFLE MET CHAIJOGURT

Maak 4 glasies

GRANOLA

• 1 kg hawermout
• 500 ml (2 k) klapper
• 500 ml (2 k) sonneblomsaad
• 20 ml (4 t) fyn kaneel
• Knippie sout
• 80—100 ml bruinsuiker
• 125 ml (1/2 k) heel amandels
• 100 g pampoenpitte
• 160 ml (2/3 k) olyfolie
• JOGURT
• 500 ml (2 k) natuurlike jogurt
• 3 sakkies Carmien Turkish Delight, in 100 ml kookwater getrek tot lekker sterk
• 45 ml (3 e) bruinsuiker
• 60 ml (1/4 k) chiasaad

VRUGTE

• 375 ml (11/2 k) Carmien Gut rooibos tea, gemaak met 4 sakkies
• Heuning 
• 2 appels, ontkern, maar ongeskil in skywe gesny
• Halwe pynappel, in blokkies gesny
• 125 ml (1/2 k) bloubessies (bevrore)
• Gerasperde skil van 1 suurlemoen
• 1 houer grenadilla

Voorverhit die oond tot 160°C.

1. Meng al die bestanddele baie goed en versprei op ‘n groot bakplaat. Bak sowat 30 minute of tot goudkleurig, roer elke nou en dan. Laat afkoel en skep in ‘n lugdigte houer tot gebruik
2. Skep ‘n lagie muesli onder-in elke glasie.
3. Meng die jogurt en tee saam. Voeg dan die bruinsuiker en chiasaad by en laat staan 30 minute. Skep 125 ml (1/2 k) bo-op elke lagie granola en laat staan minstens oornag.
4. Trek die tee tot lekker sterk, giet in ‘n kastrolletjie, voeg heuning na smaak by en kook af tot lekker stroperig.
5. Voeg die vrugte buien die grenadilla by, voeg suurlemoenskil en skoot suurlemoensap by en koel af.
6. BYMEKAARSIT  Skep die vrugte net voor opdiening bo-op die jogurt en skep ‘n lepel grenadilla oor. Rond af met mentblaartjies.

OOPPAN-OMELET

Met die resep hoef jy nie eers te sukkel om die omelet om te draai nie.
Genoeg vir 4—5 mense
Bereiding: 5 min
Gaarmaak: sowat 15 min

olie

• 10 eiers (6 heel en 4 eierwitte)
• Sout en peper
• 10 ml (2 t) groen-pesto (sien resep)

VULSEL

• olie en botter
• 2 uie, fyn gekap
• 4 fyngerasperde knoffelhuisies
• 1 soetrissie, in blokkies gesny
• 125 g murgpampoentjies, in skyfies gesny
• 125g sampioene, in skyfies gesny
• 250 ml (1 k) bevrore ertjies, ontdooi
• 125 g baba-spinasie
• 15—30 ml (1—2 e) groenpesto vir deurmeng
• AFRONDING
• 4—6 repies spek, in die AirFryer gebak
• feta-kaas, in stukke gebreek
• Paar groen of swart olywe (opsioneel)
• Baba-spinasie vir garnering
• Groen -pesto vir voorsit

1. Verhit die olie in ‘n groot pan met ‘n deksel.
2. Skud die eiers en eierwitte saam in ‘n gesondheidskommelmaker,  (of klits goed), geur met sout en peper, roer die stingeluie en pesto by en giet in die pan. Plaas die deksel op en verhit tot die eier borreltjies bo-op begin maak. Lig die kante van die omelet sodat die rou eier kan onder inloop.
3. Maak intussen die vusel in ‘n ander pan: verhit nog olie en botter en braai die ui en knoffel daarin tot sag, voeg die groente by en roerbraai vinnig tot net-net sag, meng die ertjies en baba-spinasie by en meng net vinnig deur saam met nog ‘n skep of twee pesto.
4. Skep die groente bo-op die omelet en plaas die spekvleis bo-op, sprinkel die feta-kaas en olywe oor en rond af met ‘n paar vars spinasieblare.

GROENPESTO
Maak sowat 180 ml

• 20 g pietersielie
• 20 g basieliekruid
• 20 g koljander of paar baba-spinasieblare
• Paar takkies ment
• Sowat 60 ml (1/4 k) Carmien Refresh (groen heuningbos met ment)
• 3 fyngerasperde knoffelhuises
• 5 ml (1 t) fyngerasperde gemmerwortel
• Sap en gerasperde skil van 1 suurlemoen
• 100 ml olyfolie
• 100 g sonneblomsade, gerooster

Plaas die kruie in ‘n voedselverwerker en kap goed fyn, voeg van die tee by om die proses te vergemaklik. Voeg die knoffel, gemmerwortel, suulemoen en olyfolie by en verwerk tot glad, voeg die sade by en kap tot grof fyn. Skep in ‘n houer met ‘n deksel en verkoel.

Maak stafies met sjokolade oor gedrup

DADELSTAFIES
Maak 50 STAFIES
Bereiding: 20 min

• 500 g ontpitte dadels
• 1,25 ml (1/4 t) koeksoda
• 125 ml (1/2 k) warm Carmien Revive (2 sakkies)
• 375 ml (11/2 k) hawermout, gerooster
• 160 ml (2/3 k) kakao
• 250 ml (1 k) klapper
• 80 ml (1/3 k) klapperolie, gesmelt
• 30 ml (2 e) fyn gemmer
• 10 ml (2 t) vanieljegeursel
• Ekstra bruinsuiker
• Gesmelte sjokolade vir bo-oor

1. Plaas die dadels in ‘n glasbak en sprinkel die koeksoda oor. Giet die kookwater oor en verhit 1 minuut in die mikrogolfoond. Laat afkoel.
2. Plaas die dadels saam met res van die bestanddele buiten die klapper om in te rol, in die voedselverwerker en maak goed fyn.
3. Druk vas in ‘n pannetjie en laat staan tot stewig. Sny in stafies en drup gesmelte sjokolade oor..

Wenk: Jy kan ook bietjie fyngekapte Turkse appelkose en bosbessies, selfs ‘n bietjie grondbonebotter of sade by die mengsel inmeng vir ‘n heerlike energieballetjie, maak die klapper dan net minder.

Na die gewoontelike Saterdagaand-braai, tower ek baie keer daai orige braaivleis binne ‘n ommesientjie op in ‘n smaaklike uitpakete wat ons laterig op ‘n Sondagmiddag geniet. Geen mens sal eers weet dat dis eintlik oorskiet nie. Saam met ‘n slaaitjie of twee en ‘n varsgebakte suurdeegbrood is dit watertandlekker en so in pas met die nuutste tendens om niks te mors of verlore te laat gaan nie. Die kuns bly om dit net splinternuut te verpak. So het my onlangse spread, in Mediterreense styl by kamertemperatuur voorgesit, daar uitgesien:

• Braaivleisrepies in vinaigrette
• Boerewors- en hoendersosatiehappies met vinnige tartaarse sous
• Ratatouille met avokado
• Kool-en-beetslaai
• Suurdeegbrood en sade-maaskaasbrood met gemmer-tamatiekonfyt

Met die heerlike sonskynweer wat ons tans geniet en die blommeprag regtig al rondom ons, ry ons graag ‘n draaitjie of twee op ‘n Sondag voor ons dan huis kry so namiddag se kant, ‘n groot gekokery is die laaste ding waaraan ek dan tyd wil spandeer. Dis wanneer die oorskiet-braaivleis handig te pas kom. Ons kom nie juis veel oor ‘n tafeldekkery nie, stapel net die borde en messegoed opmekaar met die kos in my kosbare ou-ou aangebrande bakke en platters geskep. Vir die mooi, het ek ’n pragtige bos blomme van Soutbos met proteas en blushing brides in wat my man van Vredenburg af saamgebring het, baie spesiaal vir ons, want dit was alles deel van my trouruiker.

Braaivleisrepies in vinaigrette

Oorskiet-braaivleis – dit kan lam- of varktjoppies of steak wees, in dun-dun velletjies gesny.

Vinaigrette gemaak met goeie olyfolie en balsamieke of appelasyn waarby ek Dijonmosterd, bietjie sout en heuning inmeng.

Giet die vinaigrette oor vleisrepies en laat staan so 20 minute of tot die res van die kos gereed is.

Wors- en hoendersosaties met tartaarse sous

Breek die wors in happiegrootte stukkies en sny die sosatiestokkies in die helfte deur. Pak uit op ‘n mooi bord.

Sit voor met ‘n vinnige tartaarse sous: kap ‘n groot handvol pietersielie fyn, voeg dit by goeie kwaliteit mayonnaise (ek gebruik graag Checkers se lite) saam met lekker baie gekapte agurkies en ‘n lepel of wat kappertjiesade en ‘n skeppie mosterd en asyn.

Ratatouille met avokado

Sny ‘n paar eiervrugte in blokkies en sout. Laat staan.

Braai intussen ‘n paar soetrissies wat jy in blokkies gesny het in bietjie olie tot sag, saam met ‘n paar skyfies murgpampoentjies (of sampioene). Skep uit.

Spoel die eiervrug af, druk droog en braai dan in olie tot lekker sag en bruingebraai. Voeg die soetrissiemengsel weer by en verhit tot geurig.

Voeg nou ‘n handvol gekapte gepekelde tamaties by, saam met bietjie van die pekelvloeistof (of andersins ‘n pakkie tamatiepasta saam met bietjie suiker en ‘n spatsel balsamieke asyn) en meng deur. Geur met sout en peper. Skep uit en sit louwarm of koud voor met avokadoskyfies. Sprinkel fetakaas en basilieblare oor.

Kool-en-beetslaai

Ek hou daarvan om sommer altyd ‘n pakkie van daardie klaargesnyde coleslaw in my yskas te hê. Dan meng ek by wat ook al ek in die yskas het, soos mieliepitte van die stronk afgesny en gaar ingelegde bete. Maak ‘n soeterige slaaisousie van bietjie oorskiet afgekoelde Carmién-rooibostee (ek het die Orange Camomile gebruik), olyfolie, bietjie rysasyn en sap van 1 suurlemoen. Voeg heuning of suiker by na gelang van hoe soet jy dit wil hê. Giet oor die koolmengsel en sprinkel bietjie koljanderblare asook neute oor.

Ten brode en te drinke

Soos genoem, het ek die suurdeegbrood – ek het veral die een met die sade in geniet – by Mondvol gekoop en daar was nog van die treffer-maaskaasbrood (sien video hier) in die vrieskas oor wat ek ook sommer bygesit het. Saam met avokado of die gemmer-tamatiekonfyt was dit ‘n wenner. Vir die keel het ons ‘n potjie Carmién-tee gebrou en louwarm daarmee geniet. Nou dat dit begin warmer word, kan julle ook weer opstock op die Cold Brews. Carmién het juis nou hul treffer Cold Brew, die Cranberry Hibiscus in ‘n familiegrootte verpakking verpak, so jy kan nou sommer ‘n groot beker vol op ‘n keer maak. Ek gebruik deesdae graag sprankelwater (sparkling water) om by te voeg.

Die 32ste Championship Boerewors is so pas weer deur die supermarkreus, Shoprite & Checkers aangewys, en ek is sommer supertrots om te kan sê dat ek van heel aan die begin af deel is van hierdie kompetisie wat hom nou al bewys het om jaarliks ‘n kampioenwors op te lewer waarvan daar verlede jaar ‘n almagtige 58 11 384 kg in hul winkels verkoop is! Dié wennerswors is vanaf 6 September landwyd in Shoprite en Checkers se winkels beskikbaar. Ek het ook nie op my laat wag nie en het die Championship Boerewors op die kole gegooi en ‘n heerlike happie berei, gemaak met mieliepapfritters en ‘n tuisgemaakte tamatie-blatjang. Net reg om voor te sit wanneer ons die Bokke aanmoedig teen die All Blacks.

Vir 32 jaar is ek nou al deel van die span beoordelaars wat jaarliks die kampioen-boerewors by Shoprite Checkers moet aanwys. Vanjaar was James Khoza, Martin Kobald van die SA sjefs-assosiasie; Shoprite-ambassadeur en kookboekskrywer, Zandele van Zyl, kosblogger Matthew Howard en die rugbylegende, Bakkies Botha saam met my deel van die beoordelaarspan. Soos julle reeds weet, kan mens nie sommer enige wors ‘n boerewors noem nie – daar bestaan regulasies daarvoor wat verseker jy kry net egte vleis, die regte persentasie vet en klassieke speserye daarin wat dit ‘n propperse boerewors maak. Gewapen daarmee het ons ‘n stel reëls opgestel waarvolgens ons beoordeel: van die rou wors tot die speserymengsel en dan die gebraaide wors. Ons weet ook glad nie wie die deelnemers is nie; die wors is genommer, en ons beoordeel dit waarna dit ook geoudit word.

Vanjaar se wenner, Ruard Briel, ‘n sewe-en-dertigjarige finansiële bestuurder van Centurion, Gauteng, is uit 2300 inskrywings aangewys. Hy het dit reggekry om ‘n wors te maak waar die kombinasie van bees en vark met net genoeg vet net reg is om dit lekker sappig te hou en ‘n speserygeurprofiel wat op ‘n mespunt gebalanseer was nes ons daarvan hou. Dit het hom bykans 10 jaar geneem om hierby uit te kom, vertel hy. Hy kan trots wegstap met sy kampioenprys, ‘n Toyota Fortuner 2,4 GD-6 RB AT wat R600 000 werd is. Daarmee saam ook nog R20 000 kontant.

Die Championship Boerewors is die skouperd in die supermarkgroep se vleismark-afdeling en daar word jaarliks genoeg daarvan verkoop om boereworsrolle vir meer as 55 miljoen mense te maak, of as mens anders daarna kyk, dek dit ‘n afstand van 8274 km, dis die afstand van Kaapstad tot in Mumbaai, Indië. So belangrik is hierdie kompetisie vir die supermarkgroep dat bykans die hele bestuurspan, tot die uitvoerende hoof, Pieter Engelbrecht en voormalige hoof, Whitey Basson, kom gesig wys het.

Boerewors bly ‘n gunsteling vir ons Suid-Afrikaners. Dis so veelsydig – lekker om oor die kole te gooi wanneer pelle saamkuier, want soos Bakkies Botha tereg noem, dit bring mense bymekaar, of sommer net om te geniet vir ‘n vinnige aandete. By my huis geniet ons dit baie keer sommer net so saam met ‘n gebakte patat (uit die AirFryer) en ‘n lekker tamatiesmoor, maar jy kan ook uithang en ‘n heerlike happie daarvan maak – saam met mieliepap en ‘n geurige tamatieblatjang, wat ek meestal met dadels kook om dit gesonder te maak.

MEALIE PAP BITES WITH TOMATO CHUTNEY AND CHAMPIONSHIP BOEREWORS

Cooking mealie meal in a green rooibos tea (available at Carmién) adds a nice herbal taste to the pap. Spoon the stywe pap into small muffin tins to make small bites. Top it with chutney and serve with a bite of Championship boerewors.

Makes about 32 bites
Preparation time: 30 min
Cooking time: 20—30 min

MEALIE PAP BITES

• 1 litre water
• 6 bags Carmién green rooibos tea
• 375 ml (1½ c) coarse mealie pap or braaipap
• Salt to taste
• 30 ml (2 T) butter
• 100 g medium hard cheese eg pecorino, grated
• 1 tin (400 g) whole kernel corn, drained

TO SERVE

• 500 g Championship Boerewors
• Tomato chutney (see recipe)
• Basil leaves or Italian parsley

PAP

1. Bring the water to the boil in a large pot, add the green rooibos tea bags, and let steep for 3 minutes. Remove the bags.
2. Add the mealie pap in a thin stream while whisking with a wire whisk. Cook slowly over medium heat with the lid half on for about 15 minutes, stir occasionally.
3. Stir in the butter, grated cheese, and whole kernel corn.
4. Oil the hollows of about 2 mini-muffin pans and fill the hollows generously with the pap mixture. Leave to stand overnight or for a couple of hours until firm.
5. TO SERVE: Braai the boerewors over medium hot coals till just done and still juicy. Allow to cool down a bit, then slice in bite-size pieces.
6. Remove the tartlets from the pan and turn them upside down.
7. Spread with a layer of tomato chutney, top with a basil or parsley leaf, and finish with a piece of boerewors.
8. Arrange the bites on a large serving platter and enjoy with drinks. Serve at room temperature.

TOMATO CHUTNEY

Dates are the main sweetener in this chutney, meaning that you can cut back hugely on added sugar. Boil the dates in Carmién’s Revive rooibos tea to soften them before adding the rest of the ingredients. The ginger and chilli in the tea add more than enough flavour, all that it still needs is some mustard seeds, salt and pepper and yes, I love to add a good handful of chopped coriander at the end. Ideal to serve on mealie pap bites, a braaibroodjie or on a sandwich with a piece of ham.

Makes about 1 litre of chutney
Preparation time: 15 min
Cooking time: about 1½ hours

• 500 ml (2 c) chopped dates
• Pinch of bicarbonate of soda
• 500 ml (2 c) strong Revive rooibos tea from Carmién with ginger & chilli, made with 12 tea bags
• 1 kg ripe tomatoes, chopped
• 4 onions, finely chopped
• 15 ml (1 T) grated garlic
• 10 ml (2 t) salt
• 5 ml (1 t) black pepper
• 15 ml (1 T) yellow mustard seeds or mustard powder
• 160 ml (⅔ c) brown sugar
• 375 ml (1½ c) apple vinegar
• 5—10 ml (1—2 t) soy sauce
• 20 g chopped coriander leaves

1. Place the dates in a large saucepan, sprinkle with bicarbonate of soda, and add the warm rooibos tea. Bring to the boil and cook until the dates are almost cooked into a puree. Then add the rest of the ingredients except the coriander leaves and bring to the boil while continuously stirring, making sure all the sugar is dissolved before the mixture starts to boil.
2. Lower the heat and cook for about 60—90 minutes until the mixture thickens and is no longer watery or runny when dripped from a spoon. Stir every now and then to prevent the mixture from burning and catching on the bottom of the pot. Stir in the coriander leaves about 10 minutes before the end of the cooking time.
3. Spoon into sterilised jars and seal.
4. Serve with mealie pap and boerewors bites.

Ons het onlangs weer ‘n slaggie gaan ontbyt eet by Mondvol, in Pelgrimsrus net buitekant Paternoster. En soos ‘n menigte voorheen, was dit ‘n ervaring uit die boonste rakke. Die kos sonder fieterjasies, maar so keurig en geurig voorgesit, mens sien en proe die hand van die passievolle egpaar, Alexander en Charmaine Pieters wat nou al vanaf 2016 hier sake doen in die onopgesmukte, stylvolle skuur met sy groot oop ruimtes, knetterende kaggelvuur en mooi afgewerkte steierplanktafels.

Ons paadjie het al voor 2016 gekruis toe hulle nog op die grondpad na Trekoskraal buite Vredenburg ‘n padstal gehad het, en hulle selfs vir my ‘n Paasontbyt vir Huisgenoot berei het. Met hul trek Paternoster toe, het ons agterna getrek vir ‘n lekker mondvol elke nou en dan, hetsy vir ontbyt of vir ‘n ligte ete. Hulle probeer iets anders as die tipiese vis en tjips of hamburgers voorsit as ander eetplekke in Paternoster, vertel Charmaine, met hul fokus op vars en gesond eet met geregte wat hulle alles self maak en waarvan die hele familie gaan hou, van die kinders tot die oupas en oumas. (Omdat die plek so lekker ruim is, kan die kinders sommer op hul fietse rondry terwyl die ouers lekker kuier). En hulle is lekker besig, kry baie toeriste, stedelinge en veral buitelandse besoekers, maar die locals loer net so gereeld in. Vir baie word dit hul tweede huis of kantoor waar hulle tuis voel en sommer hul eie ete bymekaarsit, soos die plaaslike dominee vir wie Charmaine gereeld moet bederf met oatspap met geroosterde sade en neute oor. Charmaine is steeds die een in beheer van die kombuis terwyl Alexander van barista tot front of house hanteer.

Die spyskaart is kompak, byderwets en keurig. Vir ontbyt is daar ontbytbakkies soos onder andere vars bessies saam met muesli, jogurt en heuning of avo en geposjeerde eier op volroomjogurt met tamatiepesto, geroosterde sade en groenigheid. Dit was my keuse en dit was heerlik! Verder is daar ‘n hele verskeidenheid eiergeregte waarvan die eier benedict (my man se keuse) na al die jare nog steeds die gewildste is. Die kruie-frittata-omelet soos die Green Goddess met vars kruie, spinasie, feta en avokado op geroosterde suurdeegbrood is net so lekker. Dan is daar ‘n Mondvol-ontbyt met spek en eiers, Franse roosterbrood, ook een gemaak met tuisgemaakte piesangbrood, croissants en flapjacks om ‘n paar te noem.

Saam met die allerlekkerste koffie (Alexander is die barista) eet jy soos ‘n koning. Maar mens hou altyd ‘n plekkie vir ietsie soets agterna. Die rak met varsgebakte suurdeegbrood is besig om gou leeg te loop, so mens moet vinnig speel. Die sadebrood en olyfbrood is veral aan te bevele en word gebak deur hul bakkersvriende, Peet Steyn en Camilla Richter. Op die toonbank staan ‘n verskeidenheid koeke en terte onder glaskoepels en wag om jou te verlei; lemon meringue en wortelkoek is steeds groot gunstelinge en Alexander bak hulle self. Dan is daar die flesse en flesse vol koekies, beskuit en granola, gemaak sonder preserveermiddels en met minder suiker. Sy hou ook ‘n paar keurig uitgesoekte produkte van ander verskaffers aan soos Mies-badprodukte en LEA Rooibostee, elkeen pragtig verpak. Baie keer is dit juis die verpakking wat haar trek, vertel Charmaine.

Ons het nie net heerlik geëet nie, maar stap ook daar uit met ‘n hele paar kadoesakke volgepak met van brood tot meringues en badolie. Mondvol Coffee Shop in Paternoster is oop vanaf Woensdae tot Sondae vir ontbyt en ligte middagetes.

(Volgende week vertel ek watter heerlike ete ons vinnig vinnig berei het met al die lekkertes wat ons by Mondvol aangeskaf het.)

ONTBYTBAKKIE MET JOGURT EN AVO

Genoeg vir 1 persoon

Smeer sowat 100 ml dik, romerige, natuurlike jogurt op ‘n bord en druppel olyfolie oor. Streep ‘n teelepel of twee tamatiepesto daardeur en rangskik 2 geposjeerde eiers bo-op. Rond af met skywe avokado en ‘n goeie sprinkel geroosterde neute (waarby bietjie paprika gevoeg is terwyl jy dit rooster). Sprinkel laastens bietjie mikrokruie of roket of bronkorsblare oor en sit dadelik voor saam met ‘n snytjie geroosterde suurdeegbrood indien verkies.

‘n Verskeidenheid welstandstees wat vroue in alle fasette van hul lewensloop ondersteun, is tydens Vrouemaand deur Carmién Tea bekendgestel. Maar dis veral die Menopause-tee in sy pragtige pienk verpakking wat my na aan die hart lê, want dit help nie net om simptome van menopouse tydens hierdie fase te verlig nie, maar ondersteun vroue ook algeheel tydens alle lewensfasette. Ek was bevoorreg om die ambassadeur vir hierdie unieke tee te wees.

Teen dié tyd weet almal reeds dat Carmién bekend is vir hul innoverende idees en aan die voorpunt is as dit kom by die ontwikkeling van nuwe tees. Vanjaar het hulle weereens glad nie teleurgestel nie en ‘n reeks unieke welstandstees, spesiaal vir vroue, maar ook ontwikkel deur vroue, uitgebring: Daar is Feminine vir vroue van alle ouderdomsgroepe wat tydens die menstruele siklus gedrink kan word en veral help vir PMS en krampe; Fruitful, wat meehelp met fertiliteit en hormonale wanbalanse; Mom-to-be vir verwagtende moeders; Nursing vir ma’s wat borsvoed; Mom Uplift vir diegene wat sukkel met angs en nageboorte-depressie, en dan is daar Menopause, sekerlik dié belangrikste een van die lot, want hierdie tee ondersteun vroue algeheel tydens alle lewensfasette, maar veral tydens menopouse waar dit help om simptome soos nagsweet en warmgloede te beheer. Ek geniet nie net ‘n koppie hiervan op ‘n daaglikse basis nie, maar gebruik dit ook in my smoothie (waaraan ek eintlik so bietjie verslaaf is) wat ek elke oggend drink nadat ek klaar geoefen het.

So maak ek hierdie SMOOTHIE:

Plaas die volgende in die NutriBullet en verwerk tot heeltemal glad:

• Sowat 125 ml (1/2 k) bevrore bessievrugte, insluitend bloubessies
• Sowat 80 ml (1/3 k) laevet natuurlike jogurt
• Soms ‘n handvol baba-spinasieblare
• 30 ml (2 e) proteïenpoeier (ek gebruik USN se Diet Protein Ultra Light), aarbeigeur
• 80—125 ml (1/3—1/2 k) Carmién Menopause-rooibostee (gemaak met 1 sakkie) – dit kan maar warm wees (pas die hoeveelheid tee aan afhangende hoe loperig jy die smoothie wil hê)

Heerlik en verslawend!!!

En só beskryf Carmién die unieke Menopause-tee op die Carmién-webtuiste: Carmién Menopause is a specially formulated blend of Rooibos, Raspberry Leaf, Black Cohosh, Ginseng, and Moringa that provides overall menopause support and can help relieve night sweats and hot flushes.

• The combination of ingredients provides overall menopausal support and helps to relieve night sweats and hot flushes
• Rooibos is naturally caffeine-free and sugar-free
• Rooibos contains the potent antioxidant aspalathin, which can help combat several diseases
• Rooibos can assist with weight loss
• The cooling nature of Raspberry Leaf can assist with hot flushes and balance the fluctuation in hormones that cause issues like lower libido and vaginal dryness
• Black Cohosh may improve physical and psychological menopausal symptoms, including anxiety, hot flashes, night sweats, and vaginal dryness
• Ginseng may help with regulating blood sugar, improve focus and reduce inflammation
• Moringa’s rich mineral and vitamin content offers numerous potential benefits for women, including improved nutrition, increased energy, and support for bone health. It may also help address anemia and offer anti-inflammatory properties, contributing to overall well-being.

Ingredients: Rooibos (Aspalathus Linearis), Black cohosh, Ginseng, Moringa, Raspberry leaf, Raspberry flavouring, Strawberry flavouring

The information provided is not intended as medical advice. Our products and the information we provide are not intended to diagnose, treat, cure or prevent any disease. Please consult with your healthcare professional before using our teas for any health-related concerns, or if you are taking any medications, are pregnant/nursing (unless we specify that they are safe) or have any mild/serious health conditions. Results may vary among individuals. The efficacy of our teas may depend on factors such as your individual health, lifestyle, diet, consistency, and adherence to suggested use. We do not guarantee specific results.

Vir verdere inligting en ander tees besoek die Carmién-webtuiste.

Dit was so ampertjies of ek moes my kaastande trek, want met hemelhoë kaaspryse is dit iets wat ek myself deesdae net so elke dan en wan mee bederf. Tot ek die besluit het om my eie (sagte) kaas te maak, want eintlik is dit soooo verspot maklik om te doen. Al wat jy nodig het, is ‘n moeseliendoek en ‘n sif of vergiettes. En nou peusel ons weer alte lekker aan ‘n romerige kasie saam met brosbeskuitjies of maak sommer vinnig ‘n soetdingetjie met bietjie heuning of konfyt of selfs gemmer by die kaas ingemeng. Saam met granola is dit hemels.

Na ‘n onlangse kosshoot vir Huisgenoot waar ek amasi in ‘n hoendergereg (sien Huisgenoot van 29 Augustus 2024) gebruik het, sit ek met ‘n houertjie oorskiet amasi oftewel suurmelk. Ma se karringmelkpoeding waarmee sy ons kleintyd bederf het, of die pragmooie skons waarmee sy altyd kon spog, sou korte mette van daardie half-liter maak. Maar, besluit ek, dis ideaal om vir my ‘n hangkaas mee te maak, want dis regtig min moeite, vra net ‘n dag se staantyd (jy kan natuurlik ook dik romerige jogurt gebruik). Dan is jy gewapen met kaas teen ‘n fraksie van die prys vir wanneer jy weer wil kaaskoek of souttert bak (ek vervang die room altyd met ‘n sagte kaas) of as basis vir ‘n groentetert (wat ek altyd binne-in ‘n filodeegkors skep). Sien my nuutste boek, Lekker & Goed, heerlike kos propvol heilsaamheid (beskikbaar aanlyn by Carmién of by Carmién-winkel by DeTol-padstal) vir die allerlekkerste kaaskoek en soutterte. Met die warmer weer wat so pas aangebreek het en mens weer lus kry vir ‘n wyntjie saam met ietsie te peusel, is hierdie ideaal om op jou peuselbord uit te pak.

Hangkaas – so maak mens

1. Spoel ’n groot moeseliendoek uit met water en droog dit uit.
2. Sit die moeseliendoek in ’n sif of vergiettes met die punte wat oor die kante hang.
3. Meng 500 ml (2 k) amasi of natuurlike romerige jogurt met bietjie sout (en peper en ‘n handvol kruie indien verkies).
4. Plaas die mengsel in die moeseliendoek en laat die wei 2–3 uur lank deursyg. Sit dit in die yskas of ’n koel plek met ’n opvangbak onder.
5. Bring dan die punte van die doek na mekaar toe sodat die amasi of jogurt ’n bol vorm en bind die doek met tou vas.
6. Hang die bol oor ’n opvangbak (ek hang dit baie keer oor die steel van ’n houtlepel wat ek dwars oor die opvangbak plaas) of sit dit in ’n vergiettes in die yskas met ’n opvangbak onder. Laat staan vir 12 uur.
7. Verwyder dan die moeseliendoek versigtig wanneer dit kompak maar steeds sag voel. Dit sal vir drie tot vyf dae goed hou in die yskas.

Voorgestelde kombinasies:

Vir ietsie souts:

• ’n Handvol gekapte kruie soos basilie, suurlemoentiemie, origanum, gekapte grasuie, seesoutvlokkies en varsgemaalde swartpeper
• Gedreineerde kappertjiesaad en gekapte gerookte forelstukkies
• Rooiuie-marmelade
• Gerasperde, gedreineerde komkommer met fyngedrukte knoffel en ’n bietjie dille
• Enige pesto of salsa verde
• Avokado, fyngekapte tamatie en gerasperde suurlemoenskil met ’n bietjie gekapte brandrissie
• ’n Bietjie bloukaas of selfs fyngerasperde parmesaankaas
• Ontpitte olywe, songedroogde tamaties, fyngedrukte knoffel en gerasperde lemoenskil of lekker tuisgemaakte piekels

Vir ietsie soets:

• Heuning en gerasperde suurlemoenskil
• Marmer-minder-suiker konfyte soos marmalade of bessiekonfyt (ek hou van Simply Truth) deur die hangkaas of kap gepreseveerde gemmer fyn en meng deur
• Meng rooibospoeier wat kaneel of klapper in het, daarby

BROS SAADBESKUITJIES MET HANGKAAS

Ek word betower deur groot, bros en dun platbrode wat jy in stukke breek en saam met hangkaas en allerlei lekkerstes soos olywe of piekels op ’n uitpakbord geniet. Vir my bly dit die lekkerste manier van informeel saamkuier. Dit bring verskeie herinneringe terug van my kuiers hier teen die draai van die eeu oor die land heen: Ek onthou die skemeraandhappies langs ’n dam in die Sondagsriviervallei; Niel Stemmet se voorbroodjies op Upington; die platbrode by die familie-deli op Citrusdal wat ’n treffer is saam met ’n glasie granache, en die intieme saamkuier by Jan Hendrik se Innovation Studio in Kaapstad waar die groot velle platbrode so mooi regop skuins teen die bakke eetgoed opgedien is.

Lewer 12 groot stukke of 36 beskuitjies
Bereiding: 15 min.
Baktyd: 1 uur

• 180 g saadmengsel (sonneblom-, sesam- en vlassaad, asook pampoenpitte)
• 45 ml (3 e) psilliumvesel
• 15 ml (1 e) paprika
• 2,5 ml (½ t) sout of roosmaryn-soutsprinkel
• 400 ml water

1. Voorverhit die oond tot 150 °C.
2. Meng al die bestanddele en laat 10 minute staan.
3. Plaas ’n Silpat-silikoonmatjie op ’n bakplaat en smeer die mengsel oor die matjie tot 2 mm dik. Maak seker dit is gelyk.
4. Bak 1 uur tot bros en gaar (verhoog die temperatuur laaste 10 minute tot 190 °C).
5. Breek in stukke terwyl die beskuitjies nog warm is.
6. Koel af en bêre in ’n lugdigte houer.
7. Stapel regop langs bakke met ’n verskeidenheid hangkaassmere, saadkonfetti asook olywe en piekels op ’n uitpakbord en sit voor met wyn.

Saadkonfetti

‘n Bekostigbare dukkah-weergawe met grondbone. Ideaal om saam met olyfolie en varsgebakte brood te geniet.

Bestanddele:

• 80 ml (⅓ k) sesamsaad
• 20 ml (4 t) komynsaad of 10 ml (2 t) fyn komyn
• 250 ml (1 k) geroosterde grondbone
• 5 ml (1 t) fyn koljander
• 5 ml (1 t) paprika
• 5 ml (1 t) geelsuiker (opsioneel)
• 2,5 ml (½ t) sumac (opsioneel)
• 10 ml (2 t) soutvlokkies

Instruksies:

• Rooster sesamsaad en komynsaad in ‘n droë pan tot dit liggies verbruin en die komynsaad geurig is.
• Voeg die res van die bestanddele by en meng goed. Stam dit effe fyn indien verkies.
• Verpak in ‘n lugdigte houer.
• Sprinkel oor slaaie of groente, of bedien saam met brood en olyfolie.

Hangkaas-Gemmertert

‘n Ongebakte tert met gemmer-hangkaas in ‘n granola-kors. Ideaal vir ‘n laat ontbyt of as ‘n peuselhappie.

Bestanddele:
Vir die muesli:

• 1 kg hawermout (glutenvry indien verkies)
• 500 ml (2 k) fyn klapper
• 500 ml (2 k) sonneblomsaad
• 250 ml (1 k) heel amandels
• 100 g pampoenpitte
• 20 ml (4 t) fyn kaneel en/of 10 ml (2 t) fyn gemmer
• Knippie sout
• 80–100 ml bruinsuiker
• 160 ml (⅔ k) gesmelte klapperolie of botter

Vir die kors:

• Ongeveer 625 ml (2½ k) van die bereide muesli
• Ongeveer 125 ml (½ k) gesmelte botter of klapperolie

Vir die vulsel:

• Ongeveer 250 g hangkaas
• 80 ml (⅓ k) gepreserveerde gemmer + 30 ml (2 e) van die stroop
• Ekstra gemmerstukke vir bo-op
• Ongeveer 45 ml (3 e) muesli-krummels vir bo-oor

Instruksies:

1. Meng al die muesli-bestanddele behalwe die klapperolie, botter of olie. Skep in ‘n dun lagie in ‘n groot oondpan en giet die klapperolie, botter of olie oor. Meng deur en bak vir 30 minute, meng gereeld.
2. Plaas sowat 625 ml van die muesli in ‘n voedselverwerker en maak grofweg fyn. Voeg gesmelte klapperolie of botter by om die krummels aanmekaar te laat kleef. Druk die mengsel in die bodem en teen die kante van ‘n 20-cm tertpan. Verkoel tot benodig.
3. Meng die hangkaas en gemmerstukke asook die gemmerstroop. Skep in die kors en versier met ekstra gemmerstukkies en muesli-krummels.

Die mandjie met pragtige groentes wat ‘n week of wat gelede by my afgelewer is, het my só geïnspireer dat ek nie anders kon as om weer ‘n paar lekker groenteresepte te gaan afstof nie. Die groot lekkerte is dat dit nie net as groente-bygereg en slaai instaan nie, maar net so heerlik is as ‘n tert, en ook ingespan kan word vir soetigheid (dink brownie); selfs om diens te doen vir ontbyt.

Net laasweek nog was dit bitterlik koud, reënerig en nat en was dit sop en brood en bakpoedings wat ons lekker snoesig en warm en gekoester gehou het. En nou, ewe skielik, as die oggendmis lig, het ons die mooiste dae met ‘n kleureprag van blomme wat ons oral langs die Weskus begroet. Ja, die blomme is hier al om ons en sit opnuut weer ‘n huppel in ons stap. En daarmee saam het die tyd vir ligter eet ook aangebreek. Dan is groente perfek – maar ek praat nou glad nie koue slaai met baie blare of so nie; vir slaai gebruik ek patat wat jou lekker vol en versadig laat voel en span die laaste van die lemoene in om slaaisous te maak (het juis net die naweek weer so 4 sakkies van die soetste sagtesitrus van die plaas af gekry). ‘n Groentetert, geur gegee met ingelegde sondroëtamaties is heerlike middagkos en vir ontbyt kom daar oondgeroosterde botterskorsie in die omelet. Dan natuurlik, tower ek daai allerlekkerste brownie op wat jou nie so skuldig laat voel as jy daaraan weglê nie.

BOTTERSKORSIE-SKUDOMELET

Geroosterde botterskorsie (wat jy sommer in die airfryer gaarmaak) is heerlik as vulsel in ‘n omelet saam met bietjie feta-kaas en avokado. Ek gebruik ‘n gesondheidskommelmaker om die eiers in op te skud en bak die omelet dan in ‘n pan met ‘n deksel sodat die omelet lekker hoog kan oppof.

Genoeg vir 1 persoon
Bereiding: 10 min.
Gaarmaak: 10 min. (oondbraai van botterskorsie uitgesluit)

OMELET

• 5 eiers (3 eierwitte en 2 heel eiers)
• 45–60 ml (3–4 e) melk

knoffel-en-kruie-speserye; sout en varsgemaalde swartpeper na smaak

VULSEL

• Handvol warm oondgeroosterde botterskorsieblokkies, vooraf gegeur met ’n bietjie kaneel, komyn, brandrissie en borrie
• ½ wiel swartpeperfetakaas
• ¼ avokado, in repe gesny
• grasuie, gekap
• roketblare

1. OMELET Plaas die eiers, melk, speserye en sout en peper in ‘n plastiekhouer met ‘n deksel (‘n gesondheidskommelmaker werk ideaal). Skud baie goed tot lekker skuimerig.
2. Bespuit ‘n kleefvrye pan met kossproei en giet die mengsel daarin. Plaas ‘n deksel op en verhit tot die omelet lekker hoog gepof en gaar is. (Dis onnodig om met ‘n eierspaan te sukkel om die omelet om te draai.)
3. VULSEL Skep die gegeurde botterskorsie op die een helfte, sprinkel die feta oor, pak die helfte van die avokado op, sprinkel die grasuie oor, geur met die sout en peper en vou toe. Sprinkel die roketblare en orige avokado bo-op vir afronding. Sit dadelik voor.

PATATSLAAI

Lemoen en patat is ‘n heerlike kombinasie. Ek skil nie die patat nie, maar bak dit so met skil en al, want die gebakte skilletjie is vir my verskriklik lekker.

Genoeg vir 4 persone
Bereiding: 10 min.
Baktyd: 35 min.

• 2 groot oranje patats
• olyfolie
• sout
• 2 lemoene
• groot handvol gekapte vars kruie soos pietersielie en basilie
• 2 rolle van 100 g elk chevin (bokmelkkaas)
• 100 g heel okkerneute
• vars slaai soos roket, blaarslaai, ment en bronkors

SLAAISOUS

• 125 ml (½ k) kanola-olie
• sap en fyngerasperde skil van een suurlemoen
• sap van die lemoene nadat jy die segmente uitgesny het
• 15 ml (1 e) vars kruisement
• 30 ml (2 e) wit druiweasyn
• 15 ml (1 e) heuning
• sout na smaak

1. Voorverhit die oond tot 180 °C (jy kan dit sommer in die airfryer doen).
2. Was en borsel die patats se skil, maar moenie afskil nie.
3. Sny die patats in kwarte en pak op ‘n bakplaat of in die laaitjie van die airfryer. Vryf die skywe met die olyfolie en besprinkel met die sout. Bak tot die patat sag is, sowat 35 min.
4. Skil die lemoene en sny die segmente uit. Hou tot benodig.
5. Druk die sap van die lemoene uit die agtergeblewe segmente en hou vir die slaaisous.
6. Kap die kruie fyn en rol die chevin daarin. Hou tot benodig.
7. Slaaisous Meng al die sousbestanddele deur dit saam te klits.
8. Plaas die okkerneute in ‘n droë pan en rooster tot donker.
9. Samestelling Pak die blare onder in ‘n mooi slaaibord. Rangskik die patatskywe en lemoensegmente op die slaaiblare.
10. Sny die chevin in dun skyfies en pak bo-op.
11. Giet die slaaisous oor en sprinkel die geroosterde okkerneute bo-oor.

Wenk: Pleks van bokkaas kan jy ook geroomde maaskaas gebruik, dit in bolletjies met ‘n lepel uitskep en dan in die kruie rol.

OOP GROENTETERT

Vir hierdie tert gebruik ek my staatmaker olyfoliekors wat jy sommer in die voedselverwerker kan aanmaak en maak sommer so ‘n vryvormkors op ‘n bakplaat wat jy so effe om die vulsel toevou. Die songedroogde tamaties verskaf ‘n heerlike geur.

Genoeg vir 4 mense
Bereiding: 30 min
Baktyd: 30 min

BROSDEEG

• 160 ml (⅔ k) yswater
• 60 ml (¼ k) olyfolie
• 500 ml (2 k) klipgemaalde witbroodmeel
• Knippie sout

VULSEL

• 125 g songedroogde tamaties in vinaigrette
• 12—14 swart olywe
• 1 rooi soetrissie, ontkern en in klein blokkies gesny (opsioneel)
• 200 g baba-spinasie
• 125 g geroomde maaskaas
• 1 eier, effe geklits
• Paar baba-spinasieblare vir afronding
• 100 g feta-kaas met swartpeper, in stukke gebreek

VOORSIT

• babatamaties en basilieblare

1. Voorverhit die oond tot 200˚C. Plaas ‘n bakplaat in die oond om te verhit (dit help dat die kors lekker deurbak).
2. DEEG Meng die water en olyfolie.
3. Plaas die koekmeel en sout in die bak van ‘n voedselverwerker met ‘n plastieklem.
4. Giet die watermengsel deur die tuit by en verwerk tot ‘n stywe deegbal vorm in die bak – meng vir ten minste 5 minute en laat 10 minute rus.
5. Plaas ‘n vel bakpapier op die werkoppervlak en plaas die deeg bo-op. Druk en rol die deeg in taamlike dun rowwe sirkel uit. Prik die deeg goed.
6. VULSEL Meng al die bestanddele buiten helfte van die baba-spinasieblare en feta-kaas, geur goed met sout en peper.
7. Plaas die vel bakpapier met uitgerolde kors op die verhitte bakplaat en skep die vulsel op die kors, maar hou ‘n rand van 3 cm reg rondom oor. Sprinkel die orige baba-spinasieblare oor en krummel die feta-kaas oor.
8. Vou die rand skoon deeg effe oor die vulsel. Verf olyfolie oor die kors.
9. Plaas in die oond en bak sowat 30 minute of tot die kors gaar en die vulsel stewig is.
10. Plaas op ‘n dienbord en rond af met baba-tamaties en basilieblare bo-op. Sit louwarm voor.

PATATBROWNIES

Die kersie op die koek. Patat maak werklikwaar die lekkerste brownies. Ek het na heelwat brownieresepte gekyk wat minder koolhidrate bevat, maar die een wat met rou gerasperde patat gemaak word, bly my gunsteling: Nie te soet of te ryk nie en gemaak met bekostigbare bestanddele wat jy altyd byderhand het. Die 26 minute baktyd is in my oond die perfekte tyd om die brownie se tekstuur net reg te kry – nie droog nie, maar nog so effe klam en nat van binne.

BROWNIES

• 1 middelslag-patat van 400 g, of 750 ml (3 k) wanneer dit gerasper is
• 2 eiers
• 10 ml (2 t) vanieljegeursel
• 125–160 ml (½–⅔ k) bruinsuiker of heuning
• 125 ml (½ k) gesmelte klapperolie of botter
• 250 ml (1 k) gesifte kakao
• 7,5 ml (1½ t) bakpoeier
• 10 ml (2 t) koeksoda
• 30 ml (2 e) klappermeel

AFRONDING

• Kakao of versiersuiker of gesmelte donkersjokolade
• Aarbeie en soutvlokkies (opsioneel)

1. Voorverhit die oond tot 180 °C. Smeer ‘n vierkantige 18-cm koekpan en voer uit met bakpapier.
2. BROWNIES Meng die gerasperde rou patat, eiers, vanieljegeursel, bruinsuiker of heuning en klapperolie of gesmelte botter goed in ‘n groot mengbak.
3. Meng die kakao, bakpoeier en koeksoda by. Voeg die klappermeel laaste by.
4. Giet die mengsel in die bereide pan. Bak 26 minute lank of tot gaar maar steeds effe klam van binne. Laat 5–10 minute afkoel.
5. Verwyder die brownies versigtig uit die pan.
6. AFRONDING Sny in vierkante en sif ‘n bietjie kakao of versiersuiker oor of giet die gesmelte donkersjokolade oor. Sit voor saam met aarbeie en sprinkel soutvlokkies oor.

Wenk:

Meet die klappermeel mooi af; dit is geneig om al die vloeistof op te suig en sal die brownies baie droog maak as jy te veel byvoeg, maar help om die brownie “bymekaar” te hou.

Verlede week is ek werklikwaar mildelik geseën – ‘n groot mandjie groente saam met sakkies vol IMBO-produkte, van bone en lensies tot gort, sago en klapper, is by my afgelewer. Daarby was daar ‘n veelsydige Instant Pot Duo Crisp & Air Fryer. Hierdie alles-in-een apparaat kan as drukkoker, slow cooker, sous vide, lugbraaier, bak- en roosterapparaat gebruik word, en het dadelik ‘n permanente plek op die werksoppervlak in my Weskuskombuis gekry. Die kosmandjie was soos die weduwee se kruik wat nooit leeg raak nie, oorloop van lekkernye waarmee ek heerlik kan kook! Baie dankie aan IMBO en Wine&Roses.

Groentelensiesop

Sopbene:

• 2 kg sopbene, gesaag
• Sout en peper na smaak
• 125 ml (½ k) tamatiepuree
• Olie vir braai
• 3 uie of preie, gekap
• 4-6 knoffelhuisies, fyngedruk
• 6 selderystele, in stukke gesny
• 5 wortels, skoongeskraap en gerasper
• 400 g spinasie, gekap
• 4 L groenteaftreksel, gemaak van 8 aftrekselpotjies
• 100 g tamatiepasta
• 500 g bruinlensies, goed afgespoel
• Sout en peper na smaak

Vir Voorsit:

• Gerasperde skil van 1 suurlemoen
• ’n Handvol pietersielie of koljanderblare, gekap

1. Voorverhit die oond tot 200 °C of stel die Instant Pot Duo Crisp & Air Fryer op AirFry. Geur die sopbene met sout en peper. Pak op ‘n bakplaat en oondbraai sowat 20 minute tot effens bruin, of gebruik die AirFryer-deksel om te rooster tot effens verbruin.
2. Verhit olie in ‘n groot kastrol of die Instant Pot. Voeg die uie of preie, knoffel en seldery by, en soteer tot sag en geurig.
3. Voeg die wortels en spinasie by en meng goed deur. Voeg die gebakte sopbene by.
4. Meng die aftreksel en tamatiepasta, en voeg dit saam met die lensies by die bestanddele in die kastrol of Instant Pot. Vir drukkook, plaas die drukpotdeksel op en drukkook sowat 15 minute tot die lensies sag is. Geur met sout en peper, en sprinkel gerasperde suurlemoenskil en gekapte pietersielie of koljander oor.

Persiese Bonestowe

Bestanddele:

• 500 g gemengde droëbone (rooi gespikkelde, nierbone, klein witbone, en swartbekbone indien verkies)
• Sout en peper
• 80 g botter
• 2 uie, dun gesny
• 10 knoffelhuisies, fyngerasper
• 2-3 stele sopseldery
• 500 g stowelamsvleisblokkies
• 7 ml (1½ t) fyn borrie
• 5 ml (1 t) fyn komyn
• 65 g tamatiepasta
• Sowat 1,5 liter (6 k) groenteaftreksel
• 30 g koljanderblare, gekap
• 150 g babaspinasie

Vir Voorsit:

• Natuurlike volroom jogurt
• Basmati-rys

1. Week die bone soos op die pakkie aangedui – vir 60 minute of oornag. Dreineer en spoel goed af.
2. Plaas die bone in ‘n kastrol, bedek met koue water, bring tot kookpunt, verlaag die hitte en kook tot sag. Dreineer en geur met sout en peper. (Die bone kan ook in die Instant Pot gedrukkook word.)
3. Verhit botter in ‘n groot kastrol en roerbraai die uie, knoffel en seldery tot sag. Geur die vleis liggies met sout en peper, voeg by, en braai tot geurig.
4. Voeg speserye en tamatiepasta by, meng deur, en voeg die aftreksel by. Laat prut tot die vleis amper sag is. Voeg meer aftreksel by indien nodig.
5. Voeg die bone by en laat prut tot die vleis heeltemal sag is.
6. Voeg spinasie en koljanderblare by en laat prut nog sowat 10 minute tot geurig. Geur met sout en peper indien nodig.
7. Sit voor saam met basmati-rys en jogurt.

Smullekker Dahl

Bestanddele:

• 2 uie, goed fyngekap
• 3–4 knoffelhuisies, fyngerasper
• 15 ml (1 e) vars gemmer, fyngerasper
• 1 brandrissie, ontpit en gekap (opsioneel)
• Olie
• 15 ml (1 e) geroosterde masala of medium kerriepoeier
• 2,5 ml (½ t) borrie
• 2,5 ml (½ t) paprika
• 10 ml (2 t) fyn komyn
• 1 blik (400 g) tamaties in sap ingemaak
• 500 ml (2 k) rooi lensies, geweek in 1 liter (4 k) water
• 500–750 ml (2–3 k) groenteaftreksel of chai-rooibostee (gebruik Focus van Carmién Tea)
• Sout en peper na smaak
• Strooisel suiker
• Lemmetjiesap
• Groot handvol gekapte koljanderblare

Vir Voorsit:

• Skeppie natuurlike jogurt met fyngekapte komkommer
• Geposjeerde eier (opsioneel)
• Geroosterde suurdeegbrood of gepofde poppadum

1. Braai ui en knoffel saam met gemmer en brandrissie in olie tot sag. Roer speserye by en roerbraai tot geurig, pas op vir brand.
2. Voeg tamaties by en bring tot kookpunt.
3. Dreineer lensies en voeg saam met aftreksel of rooibostee by. Bring tot kookpunt en laat prut tot lensies sag en moesig.
4. Geur met sout, peper, suiker en lemmetjiesap, en voeg koljanderblare by. Laat prut tot geurig, sowat 5 minute.
5. Sit voor met ‘n skeppie jogurt en gekapte komkommer of ‘n geposjeerde eier indien verkies, saam met suurdeegbrood of poppadum.

Variasie:

As jy sop wil maak, braai 2 stele gekapte seldery, 2 wortels en 1 gerasperde aartappel saam met die uie in olie tot sag. Verhoog aftreksel tot 2 liter (8 k) en kook verder soos aangedui.

Ginger-Lensie Slaai

Hierdie slaai het die bekroonde sjef en restaurateur, Jacques Erasmus, jare gelede vir my gemaak. Sedertdien is dit een van my gunsteling slaaie wat ek gereeld aan gaste voorsit. Gebruik vrugte soos wat dit in seisoen is—somertyd sal pruime en nektariens goed werk, terwyl lemoene, soos die mooie rooivleis Cara Cara-lemoene, weer wintertyd die ding sal doen.

Genoeg vir 4 mense
Bereiding: 15 min
Staan: 20 min

Ginger-Lensie Slaaisous

• 2 cm-stuk gemmerwortel, fyn gerasper
• 2 knoffelhuisies, fyngerasper
• 1 suurlemoen se gerasperde skil en sap
• 15 ml (1 e) gekapte mentblare
• 30-45 ml (2-3 e) bruinsuiker of heuning
• 5 ml (1 t) elk soja- en vissous
• 5 ml (1 t) geroosterde sesamsade
• 30 ml (2 e) water

Slaai

• 750 g bruinlensies, saggekook en goed gedreineer
• 60 ml (¼ k) fyn gekapte piekelgemmer
• 125 ml (½ k) elk grof gekapte pietersielie en koljanderblare
• 6 ryp swart pruime of 3 Cara Cara-lemoene, in skyfies gesny
• Koljanderblare en piekelgemmer vir bo-oor

1. Ginger-Lensie Slaaisous: Meng al die bestanddele en hou eenkant.
2. Slaai: Giet die sous oor die lensies terwyl nog warm en laat staan vir minstens 20 min. tot afgekoel en sodat die geure lekker kan intrek.
3. Meng die gekapte piekelgemmer en kruie deur die lensies. Skep in ’n slaaibak.
4. Rangskik die vrugteskyfies bo-op en sprinkel die koljanderblare oor. Rond af met die ekstra skyfies piekelgemmer.

Maklike Vierboneslaai

Hierdie slaai herinner aan destyds se gewilde drieboneslaai, maar dis heelwat gesonder met ‘n heerlike geurige slaaisous. Baie keer, as ek die tyd my inhaal, maak ek sommer ‘n slaaisous met rooibostee—dan gebruik ek Carmién se groen rooibostee met boegoe. Maklik en heerlik!

Genoeg vir 6 mense
Bereiding: 10 min
Gaarmaak: 5 min

Slaaisous

• 80 ml (⅓ k) olyfolie
• 15 ml (1 e) elk komyn- en vinkelsaad
• 4 knoffelhuisies, fyngerasper
• 60 ml (4 e) suurlemoensap
• 2 suurlemoene se skil, gerasper
• 1¼ ml (¼ t) droë brandrissievlokkies
• 10 ml (2 t) bruinsuiker

Slaai

• 250 ml (1 k) elk verskeidenheid gaar bone soos klein witbone, nierbone, rooi gespikkelde bone en swartbone
• 3 wortels, in julienne-repies gesny
• 1 rooi-ui, in dun repies gesny
• 2-3 stukke fetakaas, grof opgebreek
• Koljander of pietersielie vir garnering (opsioneel)

1. Slaaisous: Verhit die olie in ’n pan en voeg die sade en knoffel by. Braai en verhit tot geurig, sowat 3 min. Roer die suurlemoensap en -skil, brandrissievlokkies, en suiker by.
2. Slaai: Plaas die bone in ’n bak, giet die slaaisous oor en laat afkoel. Voeg die wortelrepies by en meng deur.
3. Skep in ’n slaaibak, sprinkel die ui oor en rond af met die fetakaas en ’n takkie kruie (indien gebruik).

Rooibos-Slaaisous

Maak sowat 300 ml slaaisous

• 80 ml (⅓ k) olie
• 250 ml (1 k) groen rooibostee met boegoe, gemaak met 3 sakkies (ek gebruik graag Carmién Tea se Rescue)
• Fyngerasperde skil en sap van ½ halwe suurlemoen
• 30–45 ml (2–3 e) appelasyn
• 1,25 ml (¼ t) seesoutvlokkies
• 30–45 ml (2–3 e) suiker

Op my verdere reistog met rys, gaan delf ek in die resepte wat ek oor jare ontwikkel het en wat vandag groot staatmakers in my kombuis is en onlosmaaklik deel van my huishouding geword het. Ek besef opnuut dat met die groot verskeidenheid ryssoorte wat daar in Spekko se koskas is, mens die mees uiteenlopende geregte kan optower – van ‘n supergesonde rysslaai met bruinrys of die heerlikste brejani’s, berei met basmati, wat met reg die koning van rys genoem word. Saam met Oosterse geregte soos ‘n geurige Thaise kerrie, is klewerige jasmynrys net die ding en dan is daar natuurlik my gunsteling, plein gewone rys-en-lensies, ‘n vegetariese gereg lieflik gegeur met malse Maleise geure wat geniet word saam met ‘n skeppie jogurt. Basmati of gewone langkorrelrys is geskik daarvoor. Daarvan kan ek bakke en bakke op my eie verorber. Ja nee, met rys is daar veel meer te doen as om dit gewoon net as bykos voorsit.

RYS-EN-LENSIES

Saam met hierdie geurige vegetariese gereg sit ek graag eiervrug- en uietjips voor wat mens sommer deesdae in die Airfryer kan braai.
Genoeg vir 4 mense
Bereiding: 15 min
Gaarmaak: 45—55 min

EIERVRUG-EN-UIETJIPS

• Sout
• 2 middelslag eiervrugte, in papierdun skyfies gesny
• 2 uie, geskil en in dun skyfies gesny
• Olie

RYS-EN-LENSIES

• 250 g swart of bruin lensies
• 45 ml (3 e) olie
• 10 ml (2 t) komynsaad
• 200 g SPEKKO basmati-rys
• 5 ml (1 t) fyn koljander
• 3 ml (ruim ½ t) borrie
• 5 ml (1 t) gemengde speserye
• 5 ml (1 t) suiker
• 1 kaneelstok
• Peper na smaak
• 1 blik (400 g) botterbone, gedreineer (opsioneel)
• 350 ml water

AFRONDING

• Koljanderblare
• Dik romerige jogurt
• Bietjie fyn komyn vir bo-oor sprinkel

Voorverhit die oond (of Airfryer) tot 200°C.

1. TJIPS Sprinkel die sout oor die eiervrug en uie en laat staan 10 minute. Spoel af en druk droog.
2. Versprei egalig in ‘n enkellaag op ‘n bakplaat of andersins in die AirFryer se laaitjie en besprinkel goed met olie.Oondrooster tot gaar en lekker bros, sowat 10 min. Roer gereeld met ‘n eierspaan sodat dit egalig kan gaar word. Hou eenkant.
3. RYS-EN-LENSIES: Kook die lensies in water tot sag. Dreineer en geur goed met sout.
4. Verhit 45 ml (3 e) olie in ‘n groot kastrol en roerbraai die komynsaad tot geurig, sowat 2—3 min.
5. Voeg die rys, fyn speserye, suiker en kaneelstok by en meng deur sodat die rysmengsel goed met die speserye bedek is. Geur met sout en peper.
6. Voeg die gaar lensies, botterbone, indien gebruik, en water by en bring tot kookpunt. Verlaag die hitte en laat sowat 15 min prut tot die rys sag en meeste van die vloeistof geabsorbeer is.
7. Verwyder van die hitte, plaas ‘n skoon vadoek oor die pan en plaas die deksel op, laat 10 min, stoom.
8. Roer die helfte van die tjips deur die rysmengsel, skep in bakkies en skep ‘n hopie tjips bo-op elk.
9. Rond af met koljanderblare en ‘n skeppie jogurt. Sprinkel die komyn oor.

THAISE KERRIE

Die staatmaker is menige dag aandkos in my huis. Toe my kinders klein was, het hulle dit in klein bakkies geskep en ewe met Chinese stokkies geëet. Dié kerrie met sy klappermelkbasis kan met hoender, vark of seekos gemaak word. Klewerige jasmynrys is heerlik hierby, so maak seker jy maak genoeg daarvan gaar. (Enige oorskiet rys kan jy later sommer net so met ‘n sprinkel sojasous oor, geniet).

Genoeg vir 4 mense
Bereiding: 15 min.
Gaarmaak: 20 min.

• 30 ml (2 e) olie
• 15 ml (1 e) gerasperde vars gemmerwortel
• 3-4 knoffelhuisies, fyngedruk
• 2 stingeluie of 1 klein ui, gekap
• 30-45 ml (2-3 e) Thaise groen-, rooi- of geelkerriepasta
• 1 blik (400 g) klappermelk
• 4 hoenderborsfilette of ontbeende, ontvelde dye, in stukke gesny
• 250 g groentes soos baba-eiervrug, gehalveer; Chinese blaarkool, in dun repies gesny; en/of ertjiepeule en babamielies
• ’n hand vol babaspinasieblare
• ’n hand vol koljanderblare, gekap
• 30 ml (2 e) sojasous
• ’n paar druppels vissous
• sowat 30 ml (2 e) lemmetjie- of suurlemoensap
• 5 ml (1 t) bruinsuiker
• ’n paar kersietamaties
• koljanderblare en sesamsade vir oorsprinkel
• Spekko-jasmynrys vir voorsit

1. Verhit die olie in ’n pan en roerbraai die gemmerwortel, knoffel en uie tot sag en geurig.
2. Voeg die kerriepasta by en roer deur.
3. Voeg die klappermelk by en bring tot kookpunt. Laat goed kook.
4. Voeg die hoenderstukkies by en laat 5 min. prut tot byna gaar.
5. Voeg die groente en gekapte koljanderblare by en laat prut sowat 5-10 min. tot die groente net-net gaar maar nog baie bros is.
6. Roer die soja- en vissous saam met die lemmetjiesap en bruinsuiker by. Meng deur.
7. Voeg die tamaties by – moenie nog verhit nie – en strooi die koljanderblare en sesamsade oor.
8. Sit voor saam met klewerige jasmynrys.

GROENTEBREJANI

Hierdie geurige groentegereg is ook baie maal middel-van-die-week aandkos in ons huis. Soms sny ek sommer ook hoenderborsfilette in repies of blokkies en braai dit vinnig bruin met ‘n spatsel sojasous oorgesprinkel. Dan voeg ek dit by sodra ek die ui begin braai. Sien ook die variaisie vir ‘n eenvoudige hoenderbrejani wat ek altyd maak. Maak seker dat jy basmati, wat so lekker uitswel tot dubbele lengte, hiervoor gebruik.

Genoeg vir 6 mense
Bereiding: 20 min
Gaarmaak: 60 min

• 500 ml (2 k) Spekko-basmati-rys
• Sout na smaak
• Olie
• 5 kardamompeule
• 5 ml (1 t) komynsaad
• 1 ui, gekap
• 1 elk rooi, geel en groen soetrissie, ontkern en in blokkie gesny
• 1 eiervrug, in klein blokkies gesny (opsioneel)
• 10 klein worteltjies
• 4 knoffelhuisies, fyngedruk
• 15 ml (1 e) fyngerasperde vars gemmer
• 230 g sampioene, in stukke gesny
• 1 kop blomkool, in blommetjies gebreek
• 10 ml (2 t) borrie
• 45—60 ml (3—4 e) fyn brejani-masala
• 10 ml (2 t) fyn gekapte mentblaartjies
• ‘n groot handvol elk koljanderblare en pietersielie, gekap
• 5 ml (1 t) elk mosterdpoeier en fyn komyn
• 1 blik (400 g) kekerertjies, gedreineer en in ‘n bietjie olie tot bros gerooster
• Vars koljanderblare vir voorsit

1. Kook die rys 15 minute met ‘n bietjie sout volgens die aanwysings op die pak. Spoel onder koue water af en hou eenkant.
2. Verhit ‘n bietjie olie in ‘n kastrol en roerbraai die kardamom en komynsaad effe.
3. Voeg die ui, soetrissie en eiervrug by en roerbraai so 2 minute.
4. Voeg die wortels by en roer die knoffel en gemmer by. Roer en verhit sowat 5 minute voordat jy die sampioene en blomkool byvoeg.
5. Sprinkel die borrie en brejani-masala oor en geur met sout soos nodig. Meng deur en giet bietjie water by sodat dit nie aanbrand nie.
6. Sprinkel die ment, koljander en pietersielie oor en voeg die mosterd en komyn by. Verhit ‘n paar minute, pas op vir oorgaarmaak.
7. Voeg die rys en 125 ml (1/2 k) water by gevolg deur die kekerertjies.
8. Bedek en laat sowat 20 minute oor hoë hitte stoom, verlaag die hitte tot baie laag en laat nog sowat 20 minute stoom tot lekker geurig.
9. Sprinkel vars koljanderblare oor en sit voor.

HOENDER-BREJANI: Meng 5 ml (1 t) heel brejani-speserymengsel, 15 ml (1 e) brejani-masala, 10 ml (2 t) garam masala, 1 kaneelstokkie, 2 lourierblare en 125 ml (1/2 k) natuurlike jogurt. Voeg 8 hoenderporsies, kleiner gesny of 6 hoenderborsfilette, wat in stukke gesny is by en marineer ‘n halfuur lank. Braai 1 gekapte ui, 4 fyngerasperde knoffelhuisies, 15 ml (1 e) gerasperde vars gemmer en 1 groen soetrissie, wat in stukke gesny is in olie tot sag. Voeg 60 ml (1/4 k) gekapte koljanderblare by asook 180 ml (3/4 k) kookwater asook die gemarineerde hoenderstukke saam met die marinade. Verlaag die hitte, bedek en laat prut tot die hoender sag is. Voorsit: Skep ‘n laag gaar basmati-rys, dan ‘n laag gaar lensies (500 ml gaar rys en 250 ml gaar lensies) en dan ‘n laag hoendermengsel in die kastrol. Herhaal tot die bestanddele opgebruik is en stip met bietjie botter. Bedek en laat sowat 10 minute oor baie lae hitte stoom sodat die geure lekker kan deurtrek. Sprinkel nog koljanderblare oor en sit voor.

BRUINRYS-EN-QUINOA-SLAAI

Spekko se bruinrys is ‘n volgraanrys waarvan die buitenste lagie nie verwyder is nie. Dit het ‘n lae Glikemiese Indeks en is ideaal om te gebruik as jy vars (clean eating) en gesonder wil eet. Dit neem wel ietwat langer om sag te kook maar die heerlike neuterige smaak maak dit beslis die moeite werk. Die kombinasie saam met quinoa is heerlik en verskaf ook heelwat proteïen. Maak seker jy spoel die quinoa goed af voor jy dit gaarmaak (ek kook dit sommer baie keer vinnig op, dreineer en spoel af – sodoende raak jy van die bitter smaak ontslae. Pasop ook vir te lank kook, dan is dit ‘n pappery.

Genoeg vir 4-6 mense
Bereiding: 15 min.
Gaarmaak: 40 min.

SLAAI

• 250 ml (1 k) Spekko-bruinrys
• 125 ml (½ k) quinoa, goed afgespoel
• sout
• 80 ml (½ k) koljanderpesto (sien resep)
• 1 blik (400 g) kekerertjies, gedreineer
• 1 komkommer, gehalveer en ontpit en in klein blokkies gesny
• groot hand vol bloubessies of andersins druiwe, appel of nektariens, in blokkies gesny
• 1 rooi-ui, geskil en in klein blokkies gesny
• 1 suurlemoen se gerasperde skil
• hand vol roketblare
• geroosterde pampoen- en sonneblomsaad vir garneering

Pesto:

• 1 groot handvol koljanderblare
• 2 handvol vars basiliekruidblare
• 50 g gerasperde parmesan
• 75 g geroosterde sonneblomsaad
• 1 knoffelhuisie
• 125 ml (½ k) olyfolie
• sout na smaak

1. Kook die bruinrys en quinoa saam met ‘n bietjie sout volgens die aanwysings op die pak. Dreineer goed en laat afkoel.
2. Meng die afgekkoelde rys en quinoa in ‘n bak saam met die koljanderpesto, kekerertjies, komkommer, bloubessies, rooi-ui en suurlemoenskil.
3. Strooi die roketblare oor en garneer met pampoen- en sonneblomsaad.

KOLJANDERPESTO

Meng die koljanderblare, basiliekruid, parmesan, sonneblomsaad, knoffel en olyfolie in ‘n voedselverwerker en verwerk tot ‘n gladde pasta. Meng sout in na smaak en gebruik sommer in ‘n slaai of ander geregte.

Ek was nog altyd gek oor enige landbouskou of boeredag en is superopgewonde om deel te wees van vanjaar se vroue-program wat by Nampo Kaap in Bredasdorp aangebied word vanaf 11—13 September. Ek kry van Woensdag, 11 Sept tot Vrydag, 13 September die geleentheid om in die “vrouetent” mense bietjie touwys te maak in my manier van kook. My tema: maak ’n kopskuif oor kos: eet lekker, maar gesonder sonder moeite. Ons gaan bietjie kyk watter geregte mens met ’n klaargaar hoender kan opdis; dan berei ons ’n paar ligter geregte soos brood en ’n vullende slaai en sluit af met ’n paar lekker soetgoed wat vinnig en maklik is om te berei. Hier is ’n lusmaker met ’n paar resepte soos ’n Thaise hoenderkerrie, pilaf met mentfeta en ’n vinnige appelkrummel.

HOENDERKERRIE MET AMANDELRYS

GENOEG VIR 4 MENSE
Bereiding: 10 min.
Gaarmaak: 30 min.

• 30 ml (2 e) botter of klapperolie
• 1 ui, gekap
• 15 ml (1 e) gemmer-en-knoffelpasta
• 1 rooi brandrissie, gekap
• 5 ml (1 t) borrie
• 10-15 ml (2-3 t) garam masala
• 5 ml (1 t) elk fyn komyn en koljander
• 1 x 400 g-blik gekapte tamaties
• 1 x 400 g-blik klappermelk of helfte natuurlike jogurt
• 50 g fyn amandels (opsioneel)
• 1 gaar spithoender, in growwe stukke gebreek
• ’n hand vol gekapte koljanderblare

RYS

• 250 ml (1 k) Spekko-basmatirys, 15 min. in water geweek
• 500 ml (2 k) soutwater of Carmien se focus-rooibostee met chai-speserye
• sesamolie
• ’n hand vol geroosterde amandels, gekap
• mango-atjar (opsioneel)

SALSA

• kersietamaties, komkommer, brandrissie en rooi-ui, in klein blokkies gesny
• bruinasyn

1. Verhit die botter of olie en braai die ui, gemmer en knoffel en brandrissie tot sag. Voeg die speserye by en roer deur.
2. Voeg die tamaties by. Laat prut 2-3 min. tot geurig. Voeg die klappermelk by en meng deur.
3. Voeg die amandels by (indien gebruik). Verhit 2-3 min. tot die sous effe verdik, roer die hoenderstukke by en verhit 5-7 min. tot warm. Sprinkel die koljanderblare oor.
4. Dreineer die rys en kook sowat 15 min. in die water of rooibostee tot sag. Dreineer en vlok. Sprinkel ’n bietjie sesamolie oor, en dan die amandels.
5. Meng al die bestanddele vir die salsa. Sit voor met die kerrie, rys en atjar (indien gebruik).

HOENDERPILAF MET MENTFETA

GENOEG VIR 4 MENSE
Bereiding: 15 min.
Gaarmaak: 20 min.

• 2 uie, gekap (1 rooi, indien verkies)
• 4 knoffelhuisies, fyngedruk
• 1 groen soetrissie, in blokkies gesny
• 1 rooi brandrissie, in stukkies gesny
• ’n bietjie olie
• 5 ml (1 t) karwysaad
• 5 ml (1 t) elk fyn komyn en koljander
• 2 heel kaneelstokkies
• 1 steranys
• 250 ml (1 k) langkorrel of basmatirys
• sout na smaak
• 500 ml (2 k) groenteaftreksel (ek gebruik meestal Carmien se groen rooibostee pleks van die aftreksel)
• 1 x 410 g-blik pitmielies, gedreineer
• ½ spithoender, met ’n vurk in stukke getrek

MENTFETA

• 100 g feta
• 60 ml (¼ k) gekapte mentblare

1. Braai die uie, knoffel, soetrissie en brandrissie in ’n bietjie verhitte olie tot sag. Voeg die karwysaad by en braai 1-2 min.
2. Roer die komyn en koljander deur en voeg die kaneelstokkies en steranys by.
3. Voeg die rys by en geur met sout. Voeg die aftreksel by en laat prut tot die rys sag is en die aftreksel verdamp het.
4. Roer die pitmielies en die hoender by en verhit tot warm.
5. Breek die feta in stukke. Meng die ment by. Sit voor met die hoenderpilaf.

APPELKRUMMEL

Die hawermout, neute en klapper maak ’n heerlike kors en krummel vir hierdie appeltert wat met vars appels berei word. Ek bak sommer die tert in die Airfryer.
Maak 1 tert
Bereiding: 20 min
Baktyd: 30—40 min

KORS EN KRUMMEL

• 125 ml (1/2 k) bruinsuiker
• 500 ml (2 k) hawermout
• 125 ml (1/2 k) fyn klapper
• 50 g gemengde neute, grof gekap
• 50 g pampoenpitte
• knippie bakpoeier
• sowat 160 ml (2/3 k) botter

VULSEL

• 2 appels, ontkern, maar ongeskil in skywe gesny
• 125 ml (1/2 k) bloubessies (bevrore)
• 1 cm gemmerwortel, gerasper
• gerasperde skil van 1 suurlemoen
• 15 ml (1 e) heuning of bruinsuiker (opsioneel)
• fyn kaneel

Voorverhit die oond tot 180°C. Smeer ’n ronde 20 cm losboom-koekpan of tertpannetjie.

1. Meng al die droë bestanddele in die voedselverwerker tot die hawermout bykans fyn is, voeg die botter by en pols tot goed ingemeng.
2. Druk sowat twee derdes vas in die pannetjie. Bak 5—10 minute.
3. Meng al die bestanddele vir die vulsel en skep in die gebakte kors.
4. Krummel die res van die hawermoutmengsel oor en bak sowat 30 minute of tot die krummel lekker bros is.

So op Vrouedag dink mens onwillekeurig terug aan die vroue wat ‘n groot invloed op mens se lewe gehad het. Vir baie van ons is dit ons ma’s wat ons menswees en ons doen en late help vorm het. Soms doelbewus, maar meestal is dit die klein dingetjies wat mens bybly en later van jare koester. So was dit met Ma en haar manier van omgee wat meestal om kos, maar veral brood en poeding gedraai het.

Soos julle reeds weet, was ons koshuiskinders wat Vrydagmiddae dood van die honger die huis via die kombuis binnegestorm het waar die reuk van tuisgebakte soetsuurdeegbrood ons begroet het. Die hooguitgerysde brode het reeds almal netjies in gelid onder die linnedoek gelê, nog louwarm. Dan was dit die eerste gestoei wie die korsie gaan kry. Ons het ook geweet dat nadat daardie brode uit die oond gekom het, daar ook een of ander poeding oond toe gegaan het. Baie keer moes ons raai, maar meestal was dit karringmelkpoeding, wat nog in die oond was terwyl ons solank aangesit het vir ons middagete. Dit het altyd pofhoog uit die oond gekom en daarmee saam was die karamelsous wat Ma (en later ons) geduldig staan en roer het tot al die suikerkaramel in die melk opgelos was tot salige lekkerte. Ander kere was dit gebakte appels, met ‘n naeltjie of twee saam met ‘n stuifie kaneelsuiker en klontjie botter in die gaatjie gedruk waar sy die kern uitgesny het. Dié het ons saam met vla gekry; menigmaal ook Roly Poly in ‘n stroopsoet sousie gebak of soms gebakte vla saam met gouestroop. Wanneer die tyd haar ingehaal het, is ‘n bottel ingelegde perskes van die spensrak gehaal en ook saam met dun vla voorgesit. Sondae was daar baie keer fluweelpoeding, wat somtyds ‘n Post Toastie-korsie gekry het a la die koshuis. Andersins een of ander sjokoladepoeding (my pa het dit sommer modder gedoop); dié het ons geniet saam met haar legendariese roomys wat sy met dik plaasroom gemaak het. En so kan die lysie aangaan en aangaan…haar liefdesbriewe geskryf met ‘n happie soet om ons terug te verwelkom by die huis na ‘n strawwe week in die koshuis waar ons ons al van Donderdag af begin uithonger het om plek te maak vir die naweek se groot eet.

KARRINGMELKPOEDING MET SOUTKARAMELSOUS

Genoeg vir 4—6 mense Voorbereiding: 10 min Baktyd: 40 min

• 180 ml (3/4 k) suiker
• 15 ml (1 e) botter
• 4 eiers
• 60 ml (1/4 k) bruismeel
• Knippie sout
• 5 ml (1 t) vanieljegeursel
• 500 ml (2 k) volroommelk
• 250 ml (1 k) karringmelk

VOORSIT
Soutkaramelsous
Voorverhit die oond tot 180°C. Smeer ‘n oondbak of 4—6 afsonderlike oondvaste bakkies.

1. Verroom die suiker en botter saam.
2. Voeg die eiers een vir een by en klits.
3. Roer die meel, sout en vanieljegeursel by.
4. Meng die melk en karringmelk en roer by die eiermengsel.
5. Giet in die voorbereide bakkies. Plaas in ‘n oondpan gevul met kookwater en bak sowat 40 minute tot die karringmelkmengsel gestol is. Laat effe afkoel tot louwarm.
6. Sit voor met soutkaramelsous.

Soutkaramelsous
1 pakkie (150 g) karameltoffies
125 ml (1/2 k) room
Knippie seesoutvlokkies (opsioneel)
Smelt die toffies, room en sout in die mikrogolfoond vir 2—3 minute op Hoog, roer gereeld tot die toffies gesmelt het.

FLUWEELPOEDING
(Post Toastie-tert, sagopoeding en ryspoeding)

Dis min dat mens kon sê dat jy van koshuiskos gehou het, maar soms het ons in Huis Brandwag op Citrusdal fluweelpoeding op ‘n Post Toastie-kors vir poeding gekry. Hemels! Fluweelpoeding vorm die basis vir sago- en selfs ryspoeding.

Genoeg vir 6—8 mense Voorbereiding: 15 min Baktyd: 25 min

• 125 ml (1/2 k) suiker
• 200 ml koekmeel
• 2 ml (1/2 t) sout
• 4 eiers, geskei
• 1 liter (4 k) warm volroommelk
• 10 ml (2 t) vanieljegeursel
• 25 ml (5 t) appelkooskonfyt
• 125 ml (1/2 k) strooisuiker

Voorverhit die oond tot 180°C. Smeer ‘n groterige oondvaste bak met botter of spuit met kossproei. (Andersins spuit 6—8 oondvaste bakkies).

• Meng die suiker, koekmeel en sout.
• Klits die eiergele tot lig, voeg die melk en geursel by, voeg die koekmeelmengsel bietjie vir bietjie by en klits tot goed gemeng.
• Giet in ‘n dikboomkastrol en verhit oor lae hitte terwyl gedurig geroer word tot die mengsel begin prut en gaar is.
• Giet in die voorbereide bak of bak(kies) en maak gelyk bo-op. Bak 15—20 minute.
• Smelt die konfyt in die mikrogolfoond en smeer bo-oor.
• Klits die eierwitte tot skuimerig, voeg die strooisuiker lepelsgewys by en klits tot styf.
• Skep bolle oor die vla en bak sowat 5 minute by 220°C of tot die meringue net effe verbruin bo-op.

Wenk: Berei ‘n kors met 200 g Post Toasties wat fyngedruk is en met sowat 100 g gesmelte botter gemeng is. Druk vas onderin die bak(kies).

Variasie: Sagopoeding: week 200 ml sago in bietjie water tot sag. Kook in 750 ml (3 k) melk tot sag. Laat effe afkoel en roer die suiker, sout en eiergele by. Skep in die bak(kies) en berei verder soos beskryf.

Ryspoeding: Gebruik 500 ml (2 k) melk en 250 ml (1 k) room. Los die meel uit en voeg die suiker, ongeskeide eiers en 2 ekstra eiergele, sout by en klits goed. Voeg 500 ml (2 k) gaar rys en 3 ml (ruim ½ t) kaneel of die gerasperde skil van 1 lemoen by. Skep in bakkies en bak sowat 40 minute tot gestol.

SUURMELK-CRÈME BRULEE

Hierdie crème brulee is amper ‘n tipe korslose kaaskoek met sy bruleelagie bo-op.

Genoeg vir 4—6 mense

• 2 bakkies (230 g elk) geroomde maaskaas
• 125 ml (1/2 k) strooisuiker
• 4 eiers
• 60 ml (1/4 k) suurlemoensap
• 250 ml (1 k) suurmelk of jogurt

Voorverhit die oond tot 160°C. Smeer 4—6 oondvaste bakkies.

1. Meng die roomkaas, strooisuiker, eiers, suurlemoensap en suurmelk of natuurlike jogurt goed saam en skep in die gesmeerde ramekinbakkies of dariole-vormpies.
2. Plaas in ‘n oondpan, halfpad gevul met kookwater en bak 30—40 minute of tot gaar en ‘n mespunt net skoon uit die poedings kom.
3. Koel oornag af, sprinkel strooisuiker oor en skroei met ‘n blaasvlammetjie.

Variasie: GEBAKTE VLA Verhit 375 ml (1 1/2 k) volroommelk (of helfte daarvan room) en 5 ml (1 t) fyngerasperde lemmetjie- of lemoenskil. Koel effe af. Voeg 80 ml (1/3 k) strooisuiker by en roer tot opgelos. Klits 3 ekstra groot eiergele en 2 ml (1/2 t) vanieljegeursel. Voeg by die melk. Sprinkel neutmuskaat oor en bak in gesmeerde bakkies in ‘n waterbad soos die vorige resep tot die vla amper gestol is. Baktyd sowat 25 minute.

Die afgelope naweek was die vyfde keer dat die Rooibos MTB deur Carmién vir bergfietsryers by De Tol op die Piekenierskloofpas buite Citrusdal aangebied is. Ons was daar, nie om self te ry nie, maar om heerlik saam te kuier, goeie wyn en roosterkoek te geniet en het daar ook die lekkerste keriehoender-sosaties geproe.

Dis ‘n fyn misreëntjie wat neersif toe ons vroegoggend by De Tol bo-op die Piekenierskloof buitekant Citrusdal stop. Maar dit demp geensins die geesdrif van die horders fietsryers wat aangetree het vir ‘n 80, 55, 30 of 18 km rit nie (selfs die kleintjies het ‘n beurt gekry om ‘n paar rondtes te ry!). Die gasvryheid en pragtige natuurtonele wat hulle op die verskeie roetes begroet, maak goed daarvoor op.

Ek het lankal reeds my fietsryskoene opgehang, maar tree aan vir ‘n kort wyn-en-tee-staproete wat jou deur die wingerde neem om ‘n paar van Piekenierskloofwyne te proe saam met ‘n passende Carmién-rooibostee, ‘n uniekheid tans eie aan Piekenierskloofwyne. Telkens is ek verras met die interessante geure wat die kombinasies na vore bring. By De Tol kan jy ook formeel wyn proe en daar is ook ‘n verskeidenheid ander drinkgoed, tot ‘n mooi opgetofte Carmién-jenewer saam met ‘n sakkie piramiedrooibostee by die buitekroeg beskikbaar. Selfs die kinders kan aansit vir hul eie unieke tee-en-happie pairing. Oral op die perseel staan halfdromme met vure waar die moeë ryers en hul maters hulself kan warm maak en veral die warm storte is ‘n groot bonus. Onder die tentdak kuier die mense gesellig saam en geniet die musiek.

Na ‘n vinnige draai in die De Tol deli in die mooie ou tolhuisie, waar jy van droëperskes direk van die plaas, rou heuning en vars brood kan koop, staan ek dadelik nader vir ‘n heerlike warm koffie saam met roosterkoek, goed uitgebak en dik gesmeer met tuisgemaakte appelkooskonfyt en ‘n strooisel kaas. Die ene nostalgie. My man kies ‘n hamburger-roosterkoek, gemaak met tuisgemaakte patties. Daar is ook allerhande ander wegneem-eetgoed soos pizza en wraps en dan natuurlik die geurigste hoendersosaties waaraan ons tog te lekker smul. Nou ja, ‘n sosatie word tradisioneel mos eintlik net met lamsvleis gemaak, maar vir dié liplekker sagte hoenderhappies in die saggespeseryde kerriesous, nes die wat jy saam met lamsosaties sou proe, verleen ek toestemming om hulle ook sosaties te doop.

Dié event beloof om ‘n groot jaarlikse instelling te word, nie net vir fietsryers nie, maar vir almal wat bietjie die mooi, lekker en gasvryheid van die platteland wil geniet. Die winter is beslis nog met ons, maar as die kombers op ‘n mooi dag lig en die sonnetjie skyn op die groenigheid oral, veral die pragtige groen graanlande in die agterveld (dis nou Eendekuil se kant toe) waaroor jy met ‘n arendsoog vanaf die berg kan kyk of as Sneeubergpiek aan die Sederberg se kant sy sneeukappie op het, is dit die mooiste prentjies wat jou vir ewig bybly. Stop sommer nou daar as julle een van die dae ‘n road trip wil maak om Namakwaland se blommeprag te gaan aanskou. Dit bly die mooiste mooi en ek is ewig trots om dit eintlik nog steeds “huis” te kan noem.

Vir meer info, gaan na www.detol.co.za

Hoendersosaties

Die resep vir lamsosaties het ek opgediep uit ‘n ou resepteboek, So eet ons aan die Kaap deur Helmine Myburgh. Die resep is geplaas net na die storie van die bekende Oom Samie se winkel op Stellenbosch. Heel gepas sou ek sê, want die hoendersosaties het ons ook geniet by die ou tolhuis wat vir jare moes waghou oor die Piekenierskloofpas en wat nou diens doen as ‘n padstal en deli.

Maak sowat 8-10 sosaties
Voorbereiding: 20 min
Marineertyd: minstens 24 uur
Gaarmaak: sowat 10 min

MARINADE

• olie
• 2 groot uie, gekap
• 2-3 knoffelhuisies, fyngerasper
• 10 ml (2 t) fyngerasperde vars gemmer
• 10 ml (2 t) heel koljandersade
• 10 ml (2 t) heel komyn
• 10 ml (2 t) swartpeperkorrels
• 10 ml (2 t) heel naeltjies
• 15 ml (1 e) brejani-masala of kerriepoeier
• 10 ml (2 t) borrie
• 45-60 ml (3-4 e) vrugteblatjang of appelkooskonfyt
• 3 lourierblare
• 160 ml (3/4 k) appelasyn of bruinasyn (nie spiritus-asyn)
• 125 ml (1/2 k) natuurlike jogurt

VLEIS

• 1,5 kg hoenderborsfilette, in redelike blokkies gesny
• Sout

1. MARINADE: Verhit die olie en braai die ui, knoffel en gemmer tot die ui sag is. Kneus die heel speserye effens in ‘n vysel met ‘n stamper en voeg by die uiemengsel, braai tot geurig.
2. Voeg die res van die bestanddele, buiten die jogurt by, bring tot kookpunt, verlaag die hitte en laat dan 10 minute prut tot geurig. Laat goed afkoel en roer die jogurt by.
3. Plaas die vleisstukke in ‘n groot nie-metaalbak en giet die marinade oor. Meng goed, maak toe en plaas vir minsens 24 uur in die yskas. Meng die volgende dag weer deur. Geur goed met sout.
4. Ryg die vleisblokkies lossies op houtpenne.
5. Braai oor matigwarm kole tot gaar, maar nie droog. Sit voor in ‘n roosterkoek of saam met braaivleis en ‘n paar sambals.

Ek hou van enige stowegereg, maar beesstert vat net die koek. As deel van Spekko se Feed your Curiosity-kampanje, was daar ook ‘n beesstert-resep wat jy saam met ‘n geurige spesery-basmatirys geniet. En ‘n almintige groot Le Creuset-pot op die koop toe om die bredie in gaar te maak. Ek kon nie wag om aan die kook te kom nie.

Beesstert is nie ‘n gereg wat jy sommer so net voor ete aanpak en dink dit sal betyds gereed wees nie. Nee! dit vat tyd om ordentlik sag te kook. Naas die beesstertpotjie wat my skoonsus nog vir ons in die Kalahari in Botswana tussen die leeus gemaak het, is hierdie sekerlik die lekkerste beesstert wat ek nog geproe het… en toe vat die kokery ook glad nie so lank soos wat ek aanvanklik gemeen het nie. Die geheim, ‘n goeie skoot groen rooibostee, want sien die rooibostee help om die vleis gouer murgsag te kry. Onthou dit as julle volgende keer weer bredie of potjie maak!

Die gematigde speseryrys is absoluut heerlik hierby – ook hier het ek die geurigheid subtiel aangehelp deur breyani-masala pleks van gewone kerriepoeier te gebruik en ook ‘n rooi rooibos met subtiele chai-geure bygegooi om daardie ekstra geurigheid, maar glad nie enige hittigheid nie, te kon kry.

Ek het nog beplan om die gereg te hou vir tot wanneer ons weer gaste vir ete kry, maar nee, na die eerste proesel, het ons daar en dan besluit, dis net die lekkerste bederf so in die middel van die week op ‘n koue wintersaand hier teen die Weskus. Saam met ‘n glasie rooies was dit tops.

OXTAIL WITH CHAKALAKA
Oxtail, slowly stewed till soft and tender tastes at its best when served with a mildly spiced basmati rice. Really finger licking good!
Serves 6—8
Preparation time: 20 min
Cooking time: 4 hours

OXTAIL

• 2 kg oxtail
• Salt and pepper
• Flour
• Oil
• 1 onion, finely chopped
• 2-3 carrots, finely sliced
• 2 stalks celery, finely sliced
• 5 cloves garlic
• 1 sachet (50 g) tomato paste
• 2 sprigs rosemary
• 2-3 bay leaves
• 1 can (400 g) cherry tomatoes
• 1 can (400 g) chakalaka
• 250 ml (1 c) red wine
• 1 litre (4 c) green rooibos (4 teabags from Carmien)
• 750 ml (3 c) beef stock

RICE

• 15 ml (1 T) butter
• About 2 cloves garlic
• 30 ml (2 T) breyani masala
• 15 ml (1 T) turmeric
• 1 bay leaf
• 500 ml (2 c) Spekko Basmati Rice, rinsed
• 2 litre (8 c) Citrus Chai Rooibos Tea (made with 4-6 Carmien tea bags)

TO FINISH

• Chopped parsley
• Grated rind of 1 lemon

1. OXTAIL: Season the oxtail generously with salt and pepper. Sprinkle flour over the oxtail pieces and rub in with your hands.
2. Put a large braising pot on the stove top. Add some oil and brown the oxtail pieces in batches until nicely browned. Put aside.
3. Add some more oil to the pot and fry the onion, carrots and celery. Cook until the vegetables start to soften and golden, about

Naas brood, is rys een van my vele kosliefdes. Ek kan dit net so, saam met ‘n bietjie sojasous oorgesprinkel, bakkies vol verorber. Hoe spesiaal is dit dat ek een van Spekko se uitverkorenes is om deel te kan neem aan hul nuutste kampanje, Feed your Curiosity, 7 days 7 ways, om te wys dat rys veel meer as net ‘n bykos is, maar inderdaad elke dag op interessante maniere in die allerheerlikste geregte ingespan kan word. Uit die lys van watertand resepte wat ek ontvang het, kies ek om twee te maak – gevulde botterskorsie, die allerheerlikste vegetariese gereg (wat ek skaamteloos man-alleen verober het, so lekker was dit). Dan is daar die beesstert, smulsag gestowe in ‘n pragtige LeCreuset-pot, waaraan my gesin net so lekker saamgesmul het.

Twee allermintige groot bokse daag laat op ’n Donderdagaand per Uber by my huis hier in Langebaan op, die een tot boordens toe gevul met bestanddele waarmee ek die lekker resepte moet kook; in die ander die apparate wat benodig word om hierdie joppie te doen – en nie sommer so nie – dis LeCreuset panne en potte net waar jy kyk – uiteindelik het ek ook nou ’n ordentlike pot om rys in te kook! Die resepte is waarlik heerlik, maar tog vinnig en maklik om te maak en ek kook tog te lekker, sit hier en daar so ‘n bietjie Carmen magic by. Ek voeg byvoorbeeld bietjie rooibostee met ‘n suurlemoengeurtjie by die rys. Heerlik! Vir my is die gevulde botterskorsie die ideale ligte middagete waaraan ek sal smul wanneer ons vinnig ‘n breek vat tussen al ons aktiwiteite deur. Vullend, maar ook lig genoeg as ek later die dag nog ‘n vinnige sessie in die gym wil gaan doen.

STUFFED BUTTERNUT
Serves 4
Preparation time: 15 min
Cooking time: 1 hour

• 125 ml (½ c) Spekko Basmati rice, rinsed
• 2 litres vegetable stock
• 2 bags Carmien Zesty Lemon rooibos tea bags
• 500 ml (2 c) boiling water
• 2 large butternuts, halved lengthways with seeds scooped out
• Salt
• 2 cloves garlic
• Few sprigs thyme
• Oil
• 1 can (400 g) chickpeas, drained
• Paprika
• 1 large onion, chopped
• 2 cloves garlic, grated
• 50 g pecan nuts, chopped
• 50 g cranberries
• 1 lemon

Handful thyme, coriander and basil leaves

Preheat the oven to 190°C.

1. Soak the rice in water for half an hour, rinse and drain.
2. Place the rice and stock into a pot.
3. Steep the rooibos tea in boiling water till strong and pour over the rice. Cook till the rice is soft, then drain off the excess liquid.
4. Score the inside flesh of the butternut, going halfway into the flesh.
5. Season with salt, garlic and thyme. Brush with oil and place in the oven. Roast for about 45 minutes to 1 hour till cooked and soft.
6. Spoon the chickpeas onto a baking sheet, season with paprika and a little oil and roast in the oven till crisp, about 20 min.
7. Heat some more oil in a saucepan and fry the onion, garlic and thyme till soft. Add the rice and stir-fry a few minutes.
8. Add the chickpeas, pecan nuts and cranberries and stir till well combined. Add lemon zest and lemon juice.
9. Scoop out the inside flesh of the butternut, leaving a 1 cm border.
10. Mix the butternut flesh with the rice mixture.
11. Stuff the butternut with the filling and garnish with fresh thyme, coriander and basil leaves.

Nou ja toe, nooit eers geweet so ‘n woord of enigsins so ‘n konsep bestaan nie, maar hygge (uitgespreek “hoo-gah”) is ‘n Deense konsep wat alles daaroor gaan om vir jouself ‘n knus, warm omgewing te skep sodat jy ook tydens die kouer maande plesier kan put uit die eenvoudiger dinge van die lewe. Nou, met die winterkoue wat sy kloue so diep inslaan, is dit juis wat ons nodig het. Doen dit nie net deur ‘n wintervriendelike huisomgewing te skep nie, maar veral met dit wat jy te ete en te drink voorsit. Hier’s heerlike warm rooibosdrankies en kyk uit vir ‘n beesstertresep wat ek volgende week sal deel.

HOE SKEP MENS HYGGE IN JOU HUIS:

• Warm beligting: Skep warm, sagte beligting met kerse feettjies en lampe met warm getinte gloeilampe om ‘n knus ambians te skep.
• Gemaklike tekstiele: Omskep jou leefvertrek in ‘n knus, gemaklike omgewing met sagte komberse en kussings saam met oorgooide dekens. Kies materiale soos wol, katoen, en fleece.
• Natuurlike elemente: Inkorporeer natuurlike elemente soos hout, klip, plante en vars blomme om buite binne te nooi en so ‘n kalmerende effek te skep.
• Tikkies persoonlike elemente: Maak mooi met dinge wat spesiaal is vir jou, soos familiefoto’s, reis-soewenirs en handgemaakte goed. Dit gee warmte, diepte en persoonlikheid aan jou huis.
• Knus hoekies: Skep klein hoekies soos leeshoekies met ‘n lekker stoel en goeie beligting, of ‘n lekker sonhoekie met bonkige, knus kussings vir wanneer jy deur tydskrifte wil blaai.

• Laat dit lekker ruik: Daar’s niks wat ‘n plek so lekker knus laat ruik soos die reuk van varsgebakte brood of die kaneelgeur van pannekoek nie. Andersins steek lekkerruik kerse aan of gebruik essensiële olies. Geure soos vanielje, kaneel en laventel werk goed.
• Stilwordtyd: Prakseer intieme knus hoekies en ruim tyd in waar en wanneer jy kan stil word om te lees of brei, dagboek te hou. Hierdie vredige oomblikke vorm die middelpunt van die hygge leefstyl.

• Hygge aktiwiteite: Ruim gesinstyd in vir bordspeletjies of om jou gunteling fliek te kyk. Maak tyd om heilsame maaltye te kook, soos ‘n lekker bredie of sop. Natuurlik is dit dan die tyd om te teug aan heerlike warmmaakdrankies soos warm sjokolade en chia-melktee. Rooibos met sy natuurlike ryk aardse geur is ideaal om warmte en ‘n goedvoel-effek te skep.

Rooibos chai-melktee

Ek gee jul die basiese resep wat die SA Rooibos Council aan my verskaf het, maar dis eintlik doodmaklik om sommer van Carmien se chai-rooibostees te gebruik waar hierdie geure reeds gemeng is: Jy kan kies – daar is Carmien rooibos chai espresso (‘n los teemengsel) waarmee jy ‘n geurige espresso kan brou – teepotte met ‘n siffie in werk ook goed – of andersins kan jy die Carmien FOCUS rooibosteesakkies gebruik wat masala chai en ook borrie bevat, en dan is daar natuurlik ook die Carmien Citrus Chai, ‘n piramiedsakkie wat ‘n tikkie sitrussmake ook by het. Dan is dit nie eers nodig om al die speserye bymekaar te maak nie; brou net die tee en daar gaan jy.

Kyk hier

2. 1 liter (4 c) water
3. 4 rooibos-teesakkies (sien Carmien se opsies)
4. 1 kaneelstokkie
5. 4 heel naeltjies
6. 2 steranys
7. 4 cardamompeule, gekneus
8. 1 stukkie vars gemmer, sowat 1 cm, in skyfies gesny
9. 500 ml (2 c) melk
10. 30 ml (2 tbsp) heuning

• Bring die water tot kookpunt in ‘n kastrol.
• Voeg die rooibossakkies en speserye by.
• Verlaag die hitte en laat prut 10 minute.
• Voeg die melk en heuning by en verhit tot warm (moenie laat kook nie).
• Giet in bekers en geniet.

Rooibos warm sjokolade

Carmien het ‘n klaargemengde Rooibos drinking chocolate bestaande uit rooibos, kakao, egte stukkies donker sjokolade saam met bietjie suiker en Kalahari-sout. Al wat jy hoef by te voeg is kookwater. Lekker maklik.

• 500 ml (2 c) sterkgebroude rooibos, gebruik so 3 sakkies
• 500 ml (2 c) melk
• 125 ml (½ c) donker sjokoladestukkies of opgekapte sjokolade
• 15 ml (1 tbsp) kakao
• 15 ml (1 tbsp) suiker of versoeter
• 5 ml (1 tsp) vanieljegeursel
• Geklopte room en kaneel vir afronding

1. Plaas al die bestanddele in ‘n kastrol en verhit terwyl jy aanhoudend roer tot die sjokolade heeltemal gesmelt is.
2. Giet in bekers en rond af met geklopte room en ‘n strooisel kaneel indien verkies.

Inligting, resepte en foto’s verskaf deur die SA Rooibos Council.

Melksnysels; slinger om die spoel, soos die ouer garde dit genoem het, of soos my ma baie keer daarna verwys het: spätzle, om ons opnuut weer aan ons Hollandse afkoms te herinner, proe pure nostalgie. Op ‘n reënerige dag was dit baie keer aandkos. (Ma het nie gehou van pannekoek bak nie, eerstens was dit te tydrowend en tweedens was daar net te veel flops vir haar wiskundige brein om te verwerk). Ek onthou hoe sy die deeg in skoenveterdun repies gesny het, nogal met ‘n Minora-lemmetjie wat sy spesiaal eenkant in die spens gehou het! (was vir seker voor die tyd van Victorinox-messies).

In die middel van die plaaskombuis het ‘n skoongeskropte houttafel gestaan met ‘n brandmerk op die kant wat ‘n primusstofie eens op ‘n tyd daar gelaat het (dink my pa wou koffiewater kook). Die het sy lighands dik besaai met meel uit die nerfaf kolletjiesblik. Die deeg is vinnig aangemaak en daarna dun-dun uitgerol en opgerol in ‘n rolletjie. Dan het die snyery begin. Nadat sy so ‘n klompie gesny het, is hulle goed deur die kombuistafelmeel gevee en vanmekaar losgefrummel om fyn snyseltjies te maak wat dan netjies toegegooi is met ‘n kombuisvadoek. Op die stoof het die melk begin borrel. Die snyseltjies is handjie-vir-handjie in die melk ingeroer en dan stadig gekook tot hulle deurgaar was. Die eiers is vinnig deurgeroer en dan was dit opskeptyd. Elkeen het sy bakkie gekry, dik bestrooi met kaneelsuiker. Ons het dit klein lepeltjies-vir-lepeltjie geëet, bang dat die lekkerte sou opraak. Deesdae brou ek ook baie keer vir ons ‘n rooibos chai espresso (te kry by Carmién) wat ek dan by die melk ingooi om ekstra geurigheid daaraan te verskaf. Die tikkie chai-geure is onmenslik lekker daarby en dit bring soveel goeie herinneringe terug.

Rooibos chai espresso melksnysels Genoeg vir 4 mense Bereiding: 30 min Gaarmaaktyd: 15 min

• 60 ml (1/4 k) Carmién rooibos chai espresso
• 500 ml (2 k) kookwater
• 200 ml koekmeel
• 5 ml (1 t) bakpoeier
• 2,5 ml (1/2 t) sout
• 1,5 liter (6 k) volroommelk
• ekstra koekmeel vir oorstrooi
• 2 eiers
• 60 ml (1/4 k) suiker
• 5 ml (1 t) fyngerasperde suurlemoenskil (opsioneel)
• Kaneelsuiker vir oorsprinkel

1. Gebruik ‘n teepot met ‘n siffie en giet die rooibos-espresso in die siffie.
2. Giet die kookwater stadig oor en laat staan tot nodig.
3. Sif die meel, bakpoeier en sout saam.
4. Voeg ‘n bietjie van die melk by om ‘n stywe deeg te vorm. Meng goed en knie liggies tot die deeg effe glad is, nie lank nie.
5. Rol die deeg baie dun uit op ‘n meelbestrooide oppervlak.
6. Strooi ruimskoots meel oor die deeg.
7. Rol die deeg in ‘n rol op, begin aan die lang kant en sny die rol in baie repies.
8. Strooi baie meel oor die snysels en vroetel dit liggies met jou vingers los. Hou eenkant tot benodig.
9. Giet die melk in ‘n groot kastrol en voeg die tee by die melk in die kastrol. Verhit tot net by kookpunt.
10. Sprinkel die snysels in sonder om die meel af te skud.
11. Verlaag hitte en roerkook sowat 10 minute.
12. Klits die eiers en suiker saam tot lig en vou by die mengsel in.
13. Laat net weer opkook.
14. Skep in bakkies en sit voor met ‘n strooisel kaneelsuiker.

As Weskusbewoners maak ons elke oggend tyd vir ‘n ordentlike ontbyt en dit sluit altyd eiers in een of ander gedaante in.

Noudat ons Weskusbewoners is en my huis ook nou my werkplek is, maak ons elke oggend tyd vir ontbyt, somtyds net ietsie vinnig saam met ‘n heerlike pot tee. Ander kere dek ons op die stoep en geniet ‘n luilekker ete wat van vrugteslaai met tuisgemaakte granola, roosterbrood of somtyds selfs ‘n varsgebakte broodjie of skons insluit saam met varsgebroude koffie. Maar of dit nou ‘n vinnige of ordentlike ete is, eier is altyd in een of ander gedaante op die spyskaart.

Meestal heerlike romerige roereier saam met gebraaide sampioene, ander kere ‘n lekker frittata of omelet wat my man opgetower het met dit wat hy alles uit die yskas kon opdien om as vulselbestanddele te dien. Maar ek het ook onlangs ‘n resep vir ‘n eierwrap opgespoor op die Eierraad se webtuiste. Veral geskik vir diegene wat minder koolhidrate wil eet. Eiers bly een van die beste stapelvoedselkosse wat mens kan kry. Hul veelsydigheid en voedsaamheid ken geen perke nie – sien sommer ook die lysie van al hul hoedanighede en geniet met ‘n geruste hart ‘n eiertjie per dag.

Egg wrap
Serves 2
Preparation time: 10 minutes
Cooking time: 5 minutes
Total time: 15 minutes

• 3 large eggs, at room temperature
• Pinch of sea salt & white pepper
• 2 tablespoons/30 ml cold filtered water
• 10 ml olive oil or non-stick cooking spray Fillings of your choice
• Baby spinach
• Grated carrot
• Grated beetroot
• Chopped ham
• Cherry tomatoes
• Chopped avocado
• Grated cheddar or cubed mozzarella

Method:

• To make the wrap, whisk the eggs with the seasoning and water until very well combined. Allow to stand for 2 minutes if frothy.
• Grease a 22 cm non-stick pan and pour in a quarter of the egg mixture to form a thin layer in the pan, gently coating the pan to spread the mixture around the pan as you would an omelette. Cook over medium heat for approximately 2 minutes until cooked, flip over and cook for a further minute, remove and cook the remaining mixture.
• To serve; fill the egg wrap by placing the fillings of your choice down the centre of the omelette, roll up and cut in half to serve.

Looking to curb hunger and stay energised throughout the day? Look no further than the egg, a kitchen staple and family favourite. Eggs are a powerhouse of nutrition packed into a small shell: a good source of high-quality protein, healthy fats, and a variety of vitamins and minerals. This combination of eggy goodness helps keep you feeling full and satisfied longer after eating, making eggs an ideal choice for those looking to curb hunger and keep energy levels in check throughout the day.

Here are five reasons why you should focus on eggs for fullness:

• Protein Power: Eggs are high in 7 g of protein per egg. Protein is a food group known for its power to keep you feeling full. Proteins are more satiating than carbs or fats and help maintain muscle mass.
• Fat Fact: The healthy fats found in eggs, known as monounsaturated fats, add to a feeling of fullness, slowing down the digestion process which keeps your gut and brain satisfied after eating.
• Light on Energy, Big on Nutrients: Despite being nutrient-dense, eggs are relatively low in energy – a double win for a satisfying food choice. Consuming foods that are low in energy yet high in nutrients, such as eggs, can help you feel fuller without overdoing it in terms of kilojoules.
• Nourishing Nutrients: Eggs are packed with essential vitamins and minerals, including vitamin D, vitamin B12, selenium, choline, and phosphorus, among others. These nutrients play various roles in metabolic processes in the body and our overall health, which may indirectly contribute to satiety and appetite regulation.
• Take it Slow: When eaten alongside other food groups, like carbohydrates, this unique combination of protein, fat, and nutrients in eggs slows down the digestion and absorption of glucose from the gut into the bloodstream. This helps stabilise our blood sugar levels and prevents rapid spikes and crashes, a trigger that could lead to feelings of hunger shortly after eating.

Like EGGcellentFood on Facebook and follow us on Instagram eggcellentfoodsa, for further information and recipes visit www.sapoultry.co.za.

Ek hou van spinasie, sommer baie. Nie net maak dit heerlike sop of souttert nie, dis net so lekker toegevou in ‘n degie. Dink spanakopita. Hier wys ek ‘n vinnige en maklike alternatief vir ‘n heerlike happie van spinasie in filodeeg toegerol.

Spinasie maak jou nie net sterk nie, dis ook superkos vir jou brein. Dit bevat onder andere baie yster wat essensieel is vir die bloedselle om suurstof in die liggaam te vervoer.

Net so is Carmien se splinternuwe BRAIN TEA, wat ginkgo biloba bevat, een van die oudste kruiemiddels wat bekend is om breingesondheid aan te help, ook onlangs bekendgestel. ‘n Koppie daarvan saam met ‘n spinasiehappie, gaan jou sommer supergefokus hou.

SPINASIE-FILOHAPPIES
Maak 12 happies
Bereiding: 20 min
Baktyd: 10 min

• 3 stingeluie, gekap
• olie
• 300 g spinasie, goed afgewas en fyngesny
• 3 – 4 huisies knoffel
• 100 g botter, gesmelt
• Handvol gekapte pietersielie
• 2 knoffelhuisies, fyngerasper
• 5 velle filodeeg
• 250 ml (1 k) gerasperde Cheddarkaas
• Sesamsaadjies vir bo-oor sprinkel

1. Braai die stingeluie in bietjie verhitte olie tot sag. Voeg die spinasie by en verhit tot verwelk.
2. Rasper die ongeskilde bol knoffel fyn bo-oor die pan – rasper sowat 3—4 huisies fyn. Hou eenkant om af te koel.
3. Plaas ‘n vel filodeeg op ‘n skoon oppervlak.
4. Meng die botter, pietersielie en knoffel. Verf oor die vel filodeeg en plaas ‘n volgende vel deeg bo-op. Herhaal met al die velle deeg (hou bietjie botter oor).
5. Skep die spinasiemengsel teen die lang kant van die filodeeg.
6. Sprinkel kaas oor die res van die deeg.
7. Rol die deeg stewig op, verf weer gesmelte botter oor en sprinkel sesamsaad bo-oor.
8. Sny in skyfies van sowat 1,5 cm dik.
9. Pak die skyfies in ‘n enkellaag in die bak van die Airfryer.
10. Bak by 190°C vir sowat 10 min of tot die filorolletjies mooi goudbruin is. Sit louwarm voor.

As jy nes ek, mal is oor brood, maar bietjie probeer wegskram van gluten en baie koolhidrate is, is hierdie maaskaas-hawermoutbrood ‘n heerlike alternatief waaraan jy maar sonder skuldgevoel ‘n snytjie of twee kan geniet. Boonop bevat dit lekker baie proteïene en vesel en is ook supermaklik en eenvoudig om te maak – net meng en bak, geen knieëry nie. Ek doen sommer ook die bakwerk in die lugbraaier.

Maaskaas-hawermoutbrood

Alhoewel hawermout nou nie juis getel word as ‘n lae koolhidraat bestanddeel nie (1 koppie bevat 40 g koolhidrate), is dit nie die hoofbestanddeel in hierdie brood nie. Die maaskaas saam met die sade en eiers asook die hawermout wat self baie proteïene bevat (16,9 g per 100 g) maak daarvan eerder ‘n proteïenryke brood met ook baie vesel. Hawermout opsigself is glutenvry, maar omdat dit meestal in meulens verwerk word waar koring gemaal word, kan dit nie as heeltemal glutenvry beskou word nie – As jy dus gluten intolerant is, soek vir glutenvrye hawermout. Die olyfolie en sade verskaf goeie onversadigde vette. Die broodjie het ek in die airfryer getoets met een houer gladde en een houer korrelmaaskaas, maar ek verkies dat dit net gladde maaskaas is wat heeltemal inmeng by die res van die bestanddele.

Maak 1 medium broodjie
Bereiding: 10 min
Baktyd: 35 min

500 ml (2 k) hawermout
15 ml (1 e) bakpoeier
5 ml (1 t) sout
160 ml (2/3 k) gemengde sade (vlassaad, lynsaad, sesamsaad, pampoensaad en sonneblomsaad)
3-4 eiers 30 ml
(2 e) ekstra-suiwer olyfolie
500 ml (2 k) gladde maaskaas
Sade en hawermout vir oorsprinkel

Voorverhit die lugbraaier tot 190°C. Plaas ‘n vel lugbraaier-papier op die plaat van die lugbraaier.

1. Meng die hawermout, bakpoeier en sout in ‘n groot mengbak. Voeg die sade by en meng weer goed.
2. Klits die eiers in ‘n ander bak, voeg die olyfolie en maaskaas by en klits tot goed gemeng.
3. Voeg die nat bestanddele by die droë bestanddele en meng liggies tot deeglik gemeng. Moenie oormeng nie.
4. Plaas op die papier en vorm ‘n ovaalbroodjie, die grootte wat in ‘n lugbraaier sal pas.
5. Sprinkel hawermout en sade bo-oor.
6. Plaas die plaat van die lugbraaier in die laaitjie en sit die broodjie bo-op. Bak 30 minute lank tot gaar en ‘n toetspen skoon uit die broodjie kom, bedek met tinfoelie halfpad deur die baktyd indien die broodjie te donker bak.
7. Verwyder die broodjie uit die lugbraaier, draai om met die onderkant na bo en bak vir ‘n verdere 5 minute of tot die onderkant drooggebak is.
8. Geniet louwarm saam met botter of avokado. Net so lekker om te rooster.

‘n Gesellige kuier saam met jou naastes bly maar altyd ‘n spesiale ervaring, veral as ‘n mens die voorreg het om dit nog met jou ma te kan deel. Ons het die allerheerlikste Sondagmiddag-eetervaring by die oulike eetplekkie, die Kleinvlei Bistro & Wine Stoep in Bokkomlaan, Velddrif, geniet.

Dit het heel toevallig so uitgewerk dat ek en my sibbes deesdae heelwat tyd inruim om ‘n bietjie meer saam te kuier. Meestal kan dit nou nie ons al vyf stuks wees nie, maar die wat kan, val in. Ek en Lodewyk moes laasnaweek uitmis op ‘n lekker kuier by my kleinsus op hul Karooplaas buite Graaff-Reinet, maar die besonderse eetervaring saam met my ma, tweelingsus en jongste broer aan Bokkomlaan in Velddrif se nuutste eetfonds, die Kleinvlei Bistro & Wine Stoep, het meer as genoeg opgemaak daarvoor.

Kleinvlei Bistro & Wine Stoep was deel van die nuutste In die Sop-oormaak-TV-program op KykNet waar Bertus Basson en Misi Overturf restaurante help regruk met ‘n nuwe spyskaart en dekor-opknap. En wat ‘n gem is hierdie klein familiebesigheid in vissershuis nr. 11 daar teen die waters van die Bergrivier nou nie! Velddrif is effe toegemis, maar ons word gul ontvang met ‘n tafel knus gedek langs die kaggelvuur naas die besonderse voëllewe-muurskildery in die hoek.

Die spyskaart klein en gefokus met peuselgoed en deelborde; die geregte eie aan die omgewing maar keurig vernuwe met heerlike vars geure, dink ‘n bietjie Yotam Ottolenghi-styl. Die wynlys, ‘n uitsoek-seleksie wyne meestal vanuit die omgewing wat ook ‘n goeie verskeidenheid Piekenierskloof-wyne insluit!

Vir die afskop kies ons vars oesters, focaccia-brood met plaaslike Kokerboom-kase en ‘n smullekker snoekkaaskoek. Daarna besluit ons nege stuks om elkeen ‘n hoofdis te kies en dan verskeie ander disse vir die tafel. Ons keuses val op geroosterde kruisskyf met chermoula; lamsribbetjie met kapokbos, murgpampoentjies met dukkah oorgesprinkel; mossels in ‘n Kaaps-Maleise klapperroomsous; harders ‘en papilote” en ceviche met labneh, salsa en avokado. Vir die tafel val ons keuse op gerookte snoek-viskoekies met lemoengeglasuurde patats; broccoli op labneh met gemmer en sojasous, aartappelskyfies met aioli asook heerbone met wortels, spinasie en tamatie. Ons smul en verlekker ons aan al die geure en teksture wat so goed praat met mekaar.

‘n Plekkie waarheen ‘n mens weer en weer kan terugkom om al die lekker en mooi te geniet!

Ter afsluiting verkas ons na die Columbine-koffie roastery langsaan vir ‘n wegneem-koffie en snytjie koek!

Ek gaan later in meer detail vertel oor Kleinvlei, maar vir eers is hier ‘n lusmaker-resep vir die geroosterde kruisskyf met chermoula.

GEROOSTERDE KRUISSKYF MET CHERMOULA
Die geurige vars kruiesous is heerlik oor gebraaide steak. Die mans was veral gek daarna.

1 kruisskyf per persoon
CHERMOULA
250 ml (1 k) vars pietersielie
250 ml (1 k) vars koljanderblare
4 knoffelhuisies, skoongemaak
5 ml (1 t) fyn koljander
5 ml (1 t) droë rooipepervlokkies
2,5 ml (1/2 t) paprika
2,5 ml (1/2 t) fyn gemmer
Kosjier-sout na smaak
Sap en fyngerasperde skil van 1 suurlemoen
Ekstra suiwer olyfolie

1. Braai die kruisskyf tot die gaarheidsgraad van jou keuse. Sny op in dun skyfies en pak op ‘n bord.
2. CHERMOULA: Plaas al die bestanddele vir die sous in ‘n voedselverwerker en kap goed fyn. Voeg genoegsaam olyfolie by om ‘n effe loperige sousie te vorm.
3. Streep die chermoula ruimskoots oor die gesnyde skywe kruisskyf en sit voor.