Visbraai-langtafel
BRANDEWYN-EN-COKE-MARTINI
Genoeg vir 3
Bereiding: 15 min
STROOP
100 g suiker
400 ml water
2 takkies roosmaryn
1 sakkie Carmien Pure Rooibos Cooking Teabag
DRANKIE
60 ml (¼ k) goeie kwaliteit brandewyn
200 ml suikervrye Coke
4 skeute Angostura Bitters
1 kg ys
Pomelo- of lemoenskil vir garnerring
1 STROOP Plaas al die stroopbestanddele saam in ‘n pot en kook vir 5 minute. Laat afkoel.
2 DRANKIE Plaas brandewyn, Coke, Bitters en 60 ml (¼ k) van rooibostroop in cocktail shaker gevul met ys. Skud vir 1 minuut. Giet in opdienglase. Druk ‘n bietjie van die lemoenskil se “vog” uit in elke glas, sny die skil in dun repies en garneer met lemoenskil.
VISSAMOSAS MET KOLJANDERDOOPSOUS
Maak sowat 40 samosas
Voorbereiding: 40 min
Baktyd: 15 min
VULSEL
2 blikke (400 g each) Lucky Star sardyne in tamatiesous
Olie
2 Wildeklawer-uie, gekap
1 cm stuk vars gemmer, gerasper
2 knoffelhuisies, gerasper
Groot handvol mentblare, gekap
Groot handvol koljanderblare, gekap
1—2 vars brandrissies, ontpit en fyn gekap
30 ml (2 e) appelkooskonfyt
2,5 ml (½ t) borrie
5 ml (1 t) sout
10 ml (2 t) gemaalde koljander
5 ml (1 t) gemaalde komyn
30 ml (2 e) suurlemoensap
SAMOSAS
10 velle filodeeg, ontdooi
olie
Sesamsade
VIR VOORSIT
Koljanderdoopsous
Voorverhit die oond of lugbraaier to 190°C
1 Dreineer die vis en maak fyn.
2 Verhit olie in ‘n pan en braai die uie tot sag, voeg die gemmer en knoffel by, braai bietjie, voeg dan die gevlokte vis by.
3 Voeg die res van die vulselbestanddele by, verlaag die hitte en prut stadig vir sowat 15 min. tot geurig.
4 Laat afkoel.
5 Gebruik 15 ml (1 e) vulsel per samosa.
6 Plaas die filodeegvelle opmekaar. Gebruik ‘n skerp mes en sny in 6 repe, 5—6 cm wyd. Bedek lossies met ‘n klam doek om te voorkom dat die filodeeg uitdroog.
7 Gebruik 1 reep deeg per keer en plaas in die lengte op ‘n plat oppervlak, verf liggies met olie.
8 Vou die onderste punt diagonaal oor om ‘n pakkie te maak en skep 15 ml (1 e) van die vulsel in. Vou die “pakkie” diagonaal oor en vou dan op en oor tot ‘n driehoekie gevorm is.
8 Plaas op ‘n bakplaat, verf met olie, sprinkel sesamsaad oor. Herhaal met filodeeg en vulsel.
9 Bak 12—15 minute tot goudbruin. Sit voor met koljanderdoopsous.
KOLJANDERDOOPSOUS
Maak sowat 125 ml
Bereiding: 5 min
40 g vars koljanderblare
2,5 ml (½ t) sout
2 brandrissies, gekap
10 ml (2 t) knoffel, fyngedruk
15 ml (1 e) fyn klapper
30 ml (2 e) water
15 ml (1 e) suiker
30 ml (2 e) appelasyn
60 ml (¼ k) olie
Plaas al die bestanddele in die voedselverwerker of NutriBullet en verwerk tot glad. Sit voor saam met die samosas.
MALEISE SEEKOSSOP
Probeer gerus die teeaftreksel wat ek ook bedink het om hierdie sop mee te maak – werklik onverbeterlik lekker.
Maak sowat 3 liter sop
Bereiding: 20 min
Gaarmaak: sowat 30 min
60 g botter
15 ml (1 e) olie
10 ml (2 t) fyngestampte knoffel
10 ml (2 t) fyngerasperde gemmerwortel
1 klein Wildeklawer-ui, gekap
80 ml (⅓ k) koekmeel
2 liter (8 k) teeaftreksel (sien resep)
20 ml (4 t) tamatiepasta
Sout en peper
250 g vis, ontgraat en in stukke gesny
1 pak (750 g) Marinaramengsel, krapstokkies verwyder indien verkies
1 pak (500 g) bevrore gaar mossels in halfskulpe
125 ml (1/2 k) dik natuurlike jogurt
Koljanderblare vir oorsprinkel
1 Verhit die botter en olie in ‘n kastrol en roerbraai die ui, knoffel en gemmerwortel daarin tot sag.
2 Roer die meel by en roer tot glad. Verhit, terwyl geroer word tot dit net begin prut.
3 Meng die teeaftreksel en tamatiepasta. Roer stadig by die meelmengsel in.
5 Plaas terug op die plaat en verhit tot die sop kook en effe verdik.
6 Voeg die vis en seekos by en verhit tot die mengsel weer kook, goed warm en gaar is, sowat 5 minute.
7 Roer die jogurt deur en garneer met koljanderblare.
Maak ‘n rooibostee-aftreksel soos volg: Trek 4 Carmiensakkies elk van Gut, Focus en Revive in 2 liters (8 k) kookwater.
PATERNOSTER GEBRAAIDE GEELSTERT
Genoeg vir 4 mense
Bereiding: 10 min
Gaarmaak: 10—12 min
KNOFFEL-SOJA-MARINADE
2 heel knoffelbolle
250 ml (1 k) suurlemoensap
250 ml (1 k) sojasous
250 ml (1 k) olyfolie
VIS
1 geelstert
paar skeppe natuurlike jogurt
1 Rasper die knoffelbolle aan die growwe kant van die rasper sodat die skil agterbly. Voeg die suurlemoensap, sojasous en olyfolie by.
2 Marineer die vis 1 uur lank daarin.
3 Verwyder die vis uit die marinade en hou die marinade eenkant.
4 Plaas die vis in ‘n toeklaprooster en braai 10—12 minute met die vel na onder tot die vleis net-net wil verkleur. Verf dikwels met die marinade. Draai om en braai die vleiskant 2—3 sekondes of tot net bruin. (jy kan die vis sommer so oor die vlammende kole braai)
5 Kook intussen die oorskietmarinade af tot geurig en roer ‘n paar skeppe natuurlike jogurt deur en sit saam met die vis voor. Skep aartappels (sien resep) op ‘n bord en plaas die vis bo-op. Skep sous oor.
KOMYNAARTAPPELS
olie
5 ml (1 t) vars gerasperde gemmer
15 ml (1 e) vars gekapte knoffel
4 groot Wildeklawer-aartappels, gekook, skille afgetrek en in skywe gesny
2 ml (½ t) fyn komyn
sout en peper na smaak
15 ml (1 e) gekapte koljanderblare
1 Verhit ’n bietjie olie in ’n pan, voeg die gemmer en knoffel by asook die aartappel en roerbraai tot warm. Geur na smaak met komyn, sout en peper en voeg die koljanderblare by. Sit voor saam met die vis.
NEUTERIGE BULGUR-EN QUINOASLAAI MET BLOMKOOL- EN- BROCCOLIPIEKEL EN ROOIBOS-SLAAISOUS
Genoeg vir 6—8 mense
Bereiding: 20 min
Gaarmaak: 15 min
1 blik (400 g) kekerertjies, gedreineer
paprika en komyn
olie
250 g bulgurkoring, geweek in 400 ml Carmien Masala Chai Cooking Teabag rooibostee, gemaak met 1 sakkie
250 g quinoa, goed afgespoel en gekook in 400 ml Carmien Masala Chai Cooing Teabag rooibostee, gemaak met 1 sakkie
ROOIBOS-SLAAISOUS
80 ml (⅓ k) olie
180 ml (¾ k) Carmien Masala Chai Cooking Teabag rooibostee, vinnig getrek met 1 sakkie
Sap en fyngerasperde skil van ‘n halwe suurlemoen
30—45 ml (2—3e) appelasyn
1,25 ml (¼ t) seesoutvlokkies
30–45 ml (2—3e) suiker
Paar skeppe van broccoli-piekel (sien resep)
AFRONDING
100 g Turkse appelkose, kleiner gesny (opsioneel)
20 g koljanderblare
100 g gekapte amandels of okkerneute
1 Pak die kekerertjies in ‘n enkellaag in die Airfryer, sprinkel die sout, paprika en komyn oor. Lugbraai tot bros, sowat 5 minute.
2 Plaas geweekte bulgur in die mikrogolf vir 1 minuut en maak los met ‘n vurk. Dreineer die quinoa en meng die twee saam.
3 SLAAISOUS Meng al die bestanddele saam en giet oor die bulgurkoringmengsel. Laat afkoel
4 Dreineer die piekelgroente en voeg saam met kekerertjies by die bulgurkoringmengsel. (Voeg v d piekelsous by indien verkies)
5 Meng die appelkose en helfte van die koljanderblare by
6 Skep op in ‘n platterige opdienskottel en sprinkel die koljanderblare en neute oor.
BLOMKOO- EN-BROCCOLI-PIEKEL
PIEKELMENGSEL
4 knoffelhuisies, fyngerasper
45 ml (3 e) kappertjiesade
15 ml (1 e) komynsaad
15—30 ml (1—2 e) paprika
7,5 ml (1½ t) sout
125 ml (½ k) bosbessies, afgespoel in kookwater
250 ml (1 k) appelasyn
250 ml (1 k) water, voeg 1 sakkie Carmien Revive rooibostee by
BLOMKOOL EN BROCCOLI
1 Wildeklawer-ui, in ringe gesny
1 rooi soetrissie, in blokkies gesny
350 g blomkool-en-broccoli-blommetjies
Olyfolie om te bedek
1 Kook al die bestanddele vir die piekelmengsel saam.
2 Giet kookwater oor die ui, soetrissie, blomkool en broccoli en verfris onder koue water. Pak in ‘n skoon fles. Giet die piekelmengel oor en vul aan met olyfolie tot net bedek. Laat 3 dae staan voor gebruik..
BEET-EN-KAASSLAAI MET ROOIBOS-EN-BOEGOE-SLAAISOUS
Genoeg vir 4—6 mense
Bereiding: 15 min
Gaarmaak: 20—30 min
6 heel Wildeklawer-bete
Sout en peper
Olyfolie
1 x rooibosslaaisous (sien resep)
pakkie gemengde slaaiblare of roketblare
2 Wildeklawer-rooi uie, in ringe gesny
Halwe groen soetrissie, in klein blokkies gesny
125 g bloubessies
1 rol sagte kaas, in skyfies gesny
Fyngekapte kruisement of koljanderblare
Paar gekapte okkerneute
Kruisement- of koljanderblare vir bo-oor sprinkel (opsioneel)
1 Plaas die bete in die Airfryer, geur met sout en peper en besprinkel liggies met olie. Lugrooster tot sag en gaar. Trek die skilletjies af en sny in kwarte indien verkies.
2 Berei die slaaisous soos beskryf en giet helfte oor die beet.
3 Rangskik die slaaiblare op ‘n dienbord en skep die bete bo-op.
4 Sprinkel die ui en groenrissie asook die bloubessies oor.
5 Rol die sagte kaas in bolletjies en rol in die gekapte kruie.
6 Pak bo-op die slaai.
7 Rond af met gekapte neute en kruisement- of koljanderblare indien verkies.
BOEGOE-SLAAISOUS
80 ml (⅓ k) olie
250 ml (1 k) Carmien Buchu rooibostee, gemaak met 3 sakkies
Sap en fyngerasperde skil van ‘n halwe suurlemoen
30—45 ml (2—3e) appelasyn
1,25 ml (¼ t) seesoutvlokkies
30–45 ml (2—3e) suiker
Meng al die bestanddele saam.
VIETNAMESE KOOLSLAAI
‘n Heerlik verfrissende slaai.
Genoeg vir 6—8 mense
Bereiding: 20 min
SLAAISOUS
Sap van 3 lemmetjies
1 sakkie Carmien Boost-rooibostee
45 ml (3 e) sesamolie
2—3 brandrissies, gekap
6 knoffelhuisies, fyngerasper
5 ml (1 t) suiker
45 ml (3 e) rysasyn
45 ml (3 e) sojasous
45 ml (3 e) gekapte piekelgemmer
SLAAI
1 Wildeklawer rooi ui, gekap
2 stingeluie, in ringe gesny
250 g kopkool, fyngekerf
2 Wildeklawer-geelwortels, skoongeskraap en gerasper
3—4 mini komkommers, in dun skyfies gesny
45 ml (3 e) gekapte kruisementblare
30 ml (2 e) gekapte koljanderblare
1 avokado, in stukke gesny
60 ml (¼ k) grondbone of heel amandels
15—30 ml (1—2 e) sesamsade
100 g Chinese eier- of rysnoedels, in stukke gebreek en gediepvetbraai tot bros (opsioneel)
1 SLAAISOUS Plaas die rooibosteesakkie in die lemmetjiesap en trek vir sowat ‘n minuut. Verwyder die sakkie en meng met die res van die bestanddele.
2 SLAAI Plaas die kool, wortels, komkommer en kruie in ‘n slaaibak en giet sowat helfte van die slaaisous oor. Meng deur.
3 Rangskik die avokado bo-op en sprinkel laastens die grondbone of neute en sesamsade asook die gebraaide noedels oor indien verkies.
4 Sit voor met die res van die slaaisous.
GRENACH NOIR-PERE
Genoeg vir 6—8 mense
Bereiding: 20 min
Gaarmaak: 30 min
400 ml Carmien rooibostee, gemaak met ‘n sakkie Masala Chai Cooking Teabag plus 2 sakkies Zesty Lemon
500 ml (2 k) Piekenierskloof Grenache Noir
80 ml (⅓ k) heuning
100 ml bruinsuiker
6—8 klein pere met stingels, geskil en ontkerm
10 ml (2 t) mielieblom
JOGURTROOM
125 ml (½ k) room, verkoel
250 ml (1 k) volroomjogurt
Sowat 30 ml (2 e) versiersuiker
AFRONDING
Pekanneute of pistasieneute
bruinsuiker
1 Kook die rooibostee, rooiwyn, heuning en suiker saam in ‘n groot pot.
2 Plaas die pere in die mengsel. Plaas ‘n vel bakpapier bo-op sodat die pere heeltemal met wynsous bedek is.
3 Verlaag hitte en prut die pere in die mengsel tot sag, maar nie stukkend gekook nie.
4 Skep die pere uit met ‘n gaatjieslepel.
5 Verdik die sous met die mielieblom.
6 JOGURTROOM Meng al die bestanddele saam.
7 AFRONDING Plaas neute in ‘n pan en verhit, sprinkel bietjie suiker oor en braai tot die suiker effe gekarameliseer het rondom die neute. Kap die neute fyner op.
8 Skep die pere in bakkies, giet sous oor en skep jogurt oor. Sprinkel neute oor.
Carmen Niehaus 