Lig die potte se deksels
PERSKE-BELLINI
Genoeg vir 4-6
Bereiding: 10 min
500 ml 2 k) water
8 sakkies Carmien Peachy Peach of Apricot Blossom Cold Brew rooibostee
4 koppies wit perskes, in stukke gesny en gevries
60 ml (¼ k) vodka
Piekenierskloof Wilhelmina MCC
Trek tee in koue water. Giet in ‘n voedselverwerker. Voeg die bevrore gesnyde perskes saam met die vodka by. Puree teen hoë spoed tot ‘n gladde mengsel. Skep in opdienglase en giet vonkelwyn by.
MIELIESTOOMBROOD
Maak 1 stoombrood
Bereiding: 15 min
Baktyd:1–1½ uur
BAKMENGSEL
250 g growwe mieliemeel
250 g steengemaalde witmeel of glutenvrye witmeelmengsel
30 ml (2 e) suiker
’n knippie sout
10 ml (2 t) bakpoeier
2,5 ml (½ t) koeksoda
OM TE BAK
250 ml (1 k) Carmien Buchu-rooibostee (1 sakkie), trek kort in lou water
250 ml (1 k) amasi
1 eier
80 ml (⅓ k) olie
1 blik (400 g) pitmielies, gedreineer (opsioneel)
VOORSIT
Heuning en gerasperde kaas
1 BAKMENGSEL Meng die droë bestanddele goed. (Verpak in ‘n lugdigte houer indien nie dadelik gaan gebruik).
2 Klits die tee, amasi, eier en olie saam. Voeg die jogurtmengsel en gedreineerde pitmielies by die droë bestanddele en meng liggies deur.
3 Smeer ‘n bakkie, wat in ‘n swartpot of gietysterkastrol kan pas met botter.
4 Skep die mengsel in die voorbereide bakkie.
5 Giet sowat 500 ml (2 k) kookwater in ‘n pot, plaas die bakkie binne-in. Plaas die deksel op en stoom sowat 1–1½ uur oor stadige hitte of totdat ‘n toetspen net-net skoon uitkom uit die middel van die brood.
5 Sit voor met heuning en maaskaas.
MEDITERREENSE LAMSKENKELS
Genoeg vir 4 mense
Bereiding; 20 min
Gaarmaak: sowat 2 uur
6–8 lamsskenkels, kan heel ook wees met lang bene
Olyfolie
Sowat 30 ml (2 e) balsamieke asyn
2 takkies roosmaryn
10 heel knoffelhuisies, ongeskil
Sout en peper
olie
500 g Roma-tamaties, grofweg opgekap
2 Wildeklawer-uie, gekap
1 Wildeklawer wortel, geskraap en in stukkies gesny
15 ml (1 e) elk gekapte basilie- en pietersielieblare
7,5 ml (1/2 e) elk gekapte oregano en tiemie
2 lourierblare
Olyfolie
Sout en peper na smaak
Suiker na smaak
65 g tamatiepasta
125 ml (½ k) Piekenierskloof-pinotage
Skoot Carmien groen rooibostee
1 blik (400 g) Lucky Star gebakte bone in tamatiesous
Paar heel piekeluie, gaargekook (opsioneel)
VOORSIT
Fynaartappel
Olyfolie
Skoot wit balsamieke asyn
Kruie vir oorsprinkel indien verkies
1 Vryf die lamskenkels in met olyfolie en balsamiese asyn en plaas in ‘n metaalvrye bak. Voeg die roosmaryn en knoffel by. Marineer oornag.
2 Geur die skenkels met sout en peper en verbruin die skenkels bietjie in olie in ‘n groot swartpot. Skep uit.
3 Plaas die tamaties in die pot, voeg die ui, wortel en die kruie by. Sprinkel olyfolie oor en geur goed met sout en peper asook bietjie suiker. Braai tot lekker geurig en die tamaties sag is.
4 Voeg die tamatiepasta en wyn ook by en meng goed.
5 Voeg die vleis weer by die tamatiesmoor in die pot, maak toe en laat stowe tot die vleis murgsag is en bykans van die been afval. Haap die heel knoffelhuisies uit, maar behou.
6 Roer die bone en piekeluitjites, indien gebruik, by. Verhit tot alles lekker warm is.
7 VOORSIT Druk die vleiserigheid uit die heel knoffelhuisies en meng saam met genoeg olyfolie by die fynaartappel in. Voeg die balsamieke asyn by.
8 Skep die fynaartappel op ‘n bord, sit die skenkel bo-op en skep die tamatiesous bo-oor. Rond af met kruie.
DROËVRUGTE BAKLAVA
Genoeg vir 6 mense
Bereiding: 30 min
Baktyd: 20—25 min
500 g gemengde droëvrugte, kleiner gesny
2 appels, geskil en gerasper
250 ml (1 k) Carmien Focus, berei met 3—4 sakkies
60 ml (4 e) Piekenierskloof Straw wine
1 pak filodeeg
Gesmelte botter
2 pakke (100 g elk) gemengde neute, fyner gekap
Fyn kaneel
STROOP
125 ml (½ k) heuning
180 ml (3/4 k) sterk Carmien-Zesty Lemon, gemaak met 3—4 sakkies
Voorverhit die oond tot 180°C. Spuit ‘n langwerpige bak met kossproei.
1 Kook die droëvrugte en appel in die rooibostee tot sag, voeg die Straw wine by. Koel eenkant af en meng die neute by.
2 Smeer ‘n vel filodeeg met gesmelte botter, vou toe op die vou, skep ‘n rytjie van die vulsel op een lang kant en rol in ‘n rol toe.
3 Pak in die bak. Herhaal met filodeeg en vulsel tot die vulsel op is. Pak al die rolle langs mekaar in die bak.
Sny diagonale snye dwars oor die rolle. Smeer weer met filodeeg gaar is, sowat 20—25 minute.
3 Kook intussen die heuning en rooibostee saam tot stroperig. Giet oor die warm baklava en laat die stroop intrek.
4 Sit voor saam met roomys.
Carmen Niehaus 