AMPERSE KORE­AANSE BIBIMBAP

VLEIS

500 g varkfilet, in dun repies gesny

’n halwe groen appel, gerasper

2 knoffelhuisies, fyngerasper

15 ml (1 e) sojasous

10 ml (2 t) strooisuiker OF heuning

5 ml (1 t) sesamolie

olie, vir gaarmaak

GROENTE

kookwater

20 g droë sjiïtake-sampioene (opsio­neel)

olie

2 knoffelhuisies, fyngerasper

’n halwe kopkool, in baie dun repies gesny

2 krulkoolblare OF spinasie, in baie dun repies gesny

100 g boontjiespruite

15 ml (1 e) vissous

30 ml (2 e) sojasous

15 ml (1 e) rysasyn

10 ml ( 2 t) sesamolie

’n knippie strooisuiker

VIR VOORSIT

jasmynrys

4 eiers, pangebraai met ’n sagte geel

gekapte vars koljanderblare

sesamsade vir oorsprinkel

lemmetjies

ekstra sojasous

1 Vleis Meng al die bestanddele vir die vleis en laat mari­neer minstens ’n halfuur lank. Verhit ’n bietjie olie in ’n pan, dreineer die vleis en roerbraai tot net gaar. Voeg enige oorskiet mari­nade by terwyl jy roerbraai. Skep uit.

2 Groente Giet kook­water oor die droë sampioene en laat week tot sag, indien gebruik. (jy kan vars sampioene ook gebruik, roerbraai dan net saam met die kool)

3 Verhit nog olie in dieselfde pan en roerbraai die knof­fel, kool en krulkool of spinasie tot net sag, maar nog lekker bros. Dis baie vinnig.

4 Dreineer die sampioene en sny in skyfies. Voeg by die kool saam met die boontjiespruite. Roerbraai vinnig.

5 Meng die vissous, sojasous, asyn en sesamolie met ’n knippie suiker. Meng by die groente en roerbraai tot geurig.

6 Roerbraai die rys apart saam met bietjie sesamolie tot geurig.

7 Vir voorsit Skep hopies vleis, groen­te en rys in bakkies en giet die pansap­pe oor. Skep die eier bo-op en rond af met koljanderblare en ’n sprinkel se­samsade. Sit voor met skyfies lemmetjies en ekstra sojasous.